نهى عبد العزيز بـ”ست ستات”: دلوقتي الحوار والصداقة أهم شيء بين الأهل والأبناء

قالت الإعلامية نهى عبد العزيز، إن مفهوم التربية تغيّر تمامًا من جيل لآخر، مؤكدة أن الأسلوب القديم الذي اعتمد على الحزم والعقاب، لم يعد هو السائد في تربية الأبناء اليوم، حيث أصبحت مفاهيم مثل التربية الإيجابية والحوار والصداقة بين الأهل والأبناء، أكثر انتشارًا.

وأضافت خلال حلقة برنامج "ست ستات" المذاع على قناة DMC، أن التربية في الماضي كانت تقوم على الهيبة والطاعة المطلقة، قائلة: زمان العقاب كان شيء أساسي، والأب له هيبته، والأم كلمتها ما تتردش أبدًا، لكن دلوقتي الدنيا اتغيرت تمامًا.

وتابعت عبد العزيز: بقينا بنسمع دلوقتي عن التربية الإيجابية، وعن الحوار مع أولادنا، وإننا نبقى أصحابهم مش مجرد آباء وأمهات. السؤال اللي بنطرحه في الحلقة: إيه الأفضل؟ جيل زمان اللي طلع متربّي على الطاعة؟ ولا جيل دلوقتي اللي واخد حرية أكتر ممكن يطلع أذكى وأشطر؟.

وأشارت إلى أن الحلقة المقبلة من البرنامج ستتناول الاختلاف في أساليب التربية بين الأجيال، وكيف يمكن الجمع بين حزم الماضي ومرونة الحاضر في تربية الأطفال، قائلة: خلونا نفتح الملف ده سوا ونشوف تربية زمان كانت عاملة إزاي.. والتربية دلوقتي راحت لفين.