عبيرمحمدعبدالعال تكتب :رسالة هامة عن العلاقات العامة
رسالة لمن ضاق أفقه، وغابت عنه حقيقة الأمور:
وفاكر نفسه محور الكون...
قبل ما تحكم… افهم.
وقبل ما تقيم… تعلم.
في ناس بتشوف بس الظاهر، وناس تانية بتفهم الجوهر.
والفرق كبير جدا بين اللي بيصور مشهد،
واللي بيمثل كيان
وابتدى وأقول
يعني إيه علاقات عامة؟
يعني صوت الإدارة قدام الناس،
يعني الصورة الرسمية اللي بيشوفها المجتمع عننا...
يعني العقل اللي بيرتب المعلومة....
والقلم اللي بيصيغ الخبر،
واللسان اللي بيرد باحترام،
والعين اللي بتشوف الصورة الكبيرة مش بس اللقطة الصغيرة.
العلاقات العامة شغل من نوع خاص، فيه تنظيم وكتابة وتنسيق وتواصل وهدوء تحت الضغط...
فيه مسؤولية عن الانطباع... عن الكلمة... عن التوقيت... عن الرسالة اللي بتخرج للناس.
???? العلاقات العامة مش بس "أنشر خبر
ولا "أصور فعالية"
ولا "أبعت صور للمديرية"
ولا "أعمل بوست على فيسبوك"
دي مهمة أعمق بكتير، ومبنية على فهم، ووعي، ومهنية.
وللي لسه شايف العلاقات العامة من كاميرا... أو من زاوية ضيقة جدا:
العلاقات العامة مش فوتوغرافيا.
اللي حاصرها في كده... محتاج يراجع فهمه، ويوسع أفقه، ويحترم التخصص.
???? التصوير مجرد أداة توثيق... لكن مش جوهر الوظيفة ولا هدفها.
احترام التخصص مش رفاهية... ده دليل على رقيك.
