طريقة عمل عيش التورتيلا.
خبز التورتيلا
المكونات
3 كوب دقيق لجميع الأغراض
معلقة صغيرة ملح
معلقة صغيرة بيكنج بودر
نصف كوب زيت نباتي
- كوب ماء دافي للعجن
الطريقة
- اخلطي الدقيق والملح والبيكنج بودر لحد ما يمتزجوا مع بعض كويس.
ضيفي الزيت وافركي وبعدين ضيفي الماء واعجني حتى
لحد ما تحصلي على كرة متماسكة ويتم امتصاص كل السوائل، ولو كانت العجينة لزجة معاكي ضيفي المزيد من
الدقيق بمقدار معلقة كبيرة في كل مرة حسب الحاجة.
(يجب أن تكون العجينة طرية وناعمة من حيث الملمس).
- انقلي العجينة على رخامة مرشوشة بالقليل من الدقيق. وقسميها لـ 16 قطعة متساوية.
اقلبى كل قطعة وغطيها بالدقيق وشكلي كل قطعة على شكل كرة وافرديها بكف ايدك وممكن باستخدام النشابه.
- غطي كرات العجين المسطحة بفوطة مطبخ نظيفة وخليها ترتاح لمدة نصف ساعة على الأقل.
سخني طاسة تيفال على نار متوسطة. افردي وشكلي كل قطعة عجين على شكل دائرة.
حطي دائرة عجين واحدة في الطاسة وسيبيها تستوي لمدة دقيقة أو لحد ما يظهر على الجزء اللي تحت بقع بنية والسطح اللي فوق يعمل فقاعات.
لو تحمر اللون بسرعة، قللي النار شوية. ولو خد أكتر من دقيقة لرؤية بقع بنية ذهبية على الجزء السفلي من التورتيلا، زودي النار شويه.
- اقلبي على الوش التاني وسويه لمدة 15-20 ثانية. لازم التورتيلا تكون لطيفة وناعمة ولكن فيها بعض البقع البنية الصغيرة على السطح زي الصورة كده.
ارفعيها على قطعة قماش نظيفة وغطيها وكرري العملية لحد الانتهاء من الكمية.
ممكن تخزينها في طبق محكم الغلق أو في كيس في درجة حرارة الغرفة لمدة 24 ساعة أو في الثلاجة لمدة تصل لأسبوع واحد.
للتجميد ، افصلي التورتيلا عن بعضها بورق زبدة أو ورق مشمع وحطيها في كيس وبعدين دخليها الفريزر.
وبالهنا والشفا
#القاهرة #مصر #Cairo #food #egypt
