الشحات مبروك: ندمان على معظم أفلامي..استغلوا طيبة قلبي وخلوا شكلي عبيط…

قال الشحات مبروك بطل العالم السابق في كمال الأجسام: "ندمان على معظم أفلامي ومن طيبة قلبي وخلوا شكلي عبيط قدام الناس".

أفضل أفلام الشحات مبروك

وأضاف خلال لقائه ببرنامج "كلام الناس" المذاع على قناة "إم بي سي مصر": "لي تقريبا 21 فيلم الحلو فيهم 3 أو 4 بالكتير أولهم فيلهم "المرشد" "وأمريكا شيكا بيكا" و"لهيب الانتقام" و"الشجعان".

مشكلة الشحات مبروك في الأفلام

وتابع: "مش راضي عن كل أفلامي لأني اتخدت في سكة مليش فيها ذنب وأنا حد رياضي بطل كمال الأجسام ودخل السينما من أوسع الأبواب بفيلم المرشد، وكان اسمي الحقيقي مبروك، والدنيا ما بقتش زي دلوقتِ في الفكر.

وأضاف وقتها اتضحك عليا من نفسي ورحت لأفلام قليلة التكلفة جدًّا فصناع الفيلم خلوا شكلي عبيط والجودة كانت أقل والموضوع كان شكله عبيط وأنا فرحان إني بمثل، وما كنتش عارف ولو أنا فاهم ما كنتش اشتركت في الأفلام دي ومدخلتهاش".

خطأ الشحات مبروك

وأكمل الشحات مبروك: "انا ضحكت على نفسي وضريت نفسي واستغليت نفسي بشكل غلط، وأنا اللي نصبت على نفسي".

وقال الشحات مبروك بطل العالم في كمال الأجسام السابق، في نفس اللقاء: "أنا مش منفسن من بيج رامي بس هو فاز مستر أولمبيا بالمنشطات".

منافسة مستر أولمبيا

وتابع خلال لقائه ببرنامج "كلام الناس" المذاع علي قناة "إم بي سي مصر":"مستر أولمبيا مش خاضعة للمنشطات، وراضي أو غيره مش هيقدر انه ميخدش منشطات لان المنافسة شرسة جدا والمشارك في البطولة مش هيجد أمامه سبيل إلا انه ياخد منشطات".

منشطات بيج رامي

ولفت:"مش كل اللى خد منشطات بيعمل عضلات، اللى مبيعملش عضلات من غير منشطات مش هيعمل عضلات بالمنشطات، وبيج رامي عنده موهبة عالية جدا في كمال الأجسام والمنشطات بتلعب دورها معاه في المنافسة الشرسة في مستر أولمبيا".