أول تعليق من علي محمود بعد واقعة عموتة

علق على محمود لاعب الاهلى، على واقعة الحسين عموتة المدير الفني لفريق الكرة، مساء أمس، أثناء استبداله في مباراة المقاولون.

 وقال لاعب الأهلي عبر “إنستجرام”: “موضوع الكابتن حسين عموتة يا جماعة؛ غير اللي الناس بتحكي فيه خالص.. الحقيقة لما خرجت من الملعب كنت زعلان ومتضايق، وكان نفسي أكمل وأساعد زمايلي علشان نكسِب.. الراجل لاحظ عليا الزعل بزيادة.. فحَب يعاتبني بحماس شوية على أساس كلنا أسرة واحدة. وفي نفس الوقت الأجواء كانت مشدودة وكأن نفسنا نكسِب. وكل اللي قاله: لازم كلنا نفكر في الفريق، منفكرش في نفسنا.. وقالها بطريقة حماسية، زي أب بيوجه ابنه بزيادة. والموضوع انتهى في لحظتها وخلاص. وبصراحة الراجل محترم جدًا. ومحستش أبدا أنه بيتجاوز أو يقلل من أي حد. لكن للأسف الناس أخدت بالشكل. وماتعرفش الحقيقة، للي مايعرفش. الراجل ده محترم جدًا”.

ويستعد الاهلى لمواجهة منافسه أبو قير للأسمدة في الجولة الخامسة من الدوري المصري.

موعد مباراة الأهلي ضد أبو قير للأسمدة والقناة الناقلة

تقام المباراة يوم الثلاثاء المقبل 15 سبتمبر الجاري، وتُلعب المباراة في تمام الثامنة مساء، ويستضيف استاد القاهرة اللقاء الذى ينقل عبر شاشة أون سبورت الناقل الحصري لمباريات الدوري المصري الممتاز.

وتعثر الاهلى امام المقاولون العرببالتعادل بهدف لكل فريق في الجولة الماضية. 

ويعود الأهلي لاستاد القاهرة في الجولة الخامسة بعدما خرج لأول مرة الجولة الماضية على استاد المقاولون العرب.

وتراجع الاهلى للمركز الثالث بعدما جمع 10 نقاط من أول 4 جولات بفارق الأهداف عن الزمالك صاحب المركز الثاني. 

وجمع أبو قير للأسمدة 3 نقاط في أول 4 جولات بالفوز على البنك الاهلىفي الجولة الافتتاحية.