الدكتورة اسماء الطاهر تكتب: قصة الاحتفال الكبير والسيدة حرم الرئيس

القصة بالنسبة لي مختلفة اوي شيفاها من زاوية تانيه خالص ..بخلاف رسائل الفخر والاعتزاز والهيبة والعظمة اللي الكل اتكلم عنها .. كان في رسائل أخري قوية جدااا رسائل اصل وتربية رسائل حب واحترام رسائل اخلاص وأمان ...الرسائل دي ظهرت من بدايه الاستقبال.. اللي مكتش مجرد استقبال رئاسي رسمي لالالا ده كان استقبال حميمي ..استقبال اصحاب البيت للضيوف استقبال كله حفاوة وكرم وحب استقبال بيقول اهلا وسهلا بكل اللي جم زارونا شرفتونا ونورتونا لو شفت وركزت في صورة الاستقبال هتلاقيها بتقول الف معني ومعني طالع من عيون السيد الرئيس والسيدة قرينته وابتسامتهم اللي ملت الدنيا راحة وتفاؤل وسعادة .

القصة الثانية هي قصة عهد ووعد بين اثنين من سنين كتير ..النظرة العبقرية للسيدة العظيمة انتصار السيسي أثناء إلقاء فخامة الرئيس كلمته واللي رصدتها من كل الزوايا كانت نظرة لزوجة آمنت بزوجها اقتنعت بكل مساعيه نظرة كانت بتقول له انا فخورة بيك اوي ايه الكلام الجميل اللي بتقوله ده كمل وابهر كل الموجودين بكلامك الموزون نظرتها كانت بتقول كمل مشوارك يا حبيبي كلنا والبلد امانه بين ايديك ربنا يديمك علينا الحمي و السند والظهر ورافع راسنا قدام العالم كله .

المشاعر اللي كانت فارضة نفسها وطلة من عيون السيدةانتصار السيسي لزوجها لم تنبع من فراغ المشاعر دي حصاد عشرة السنين معاملة طيبة من زوج ابن أسرة محترمة واصل طيب لزوجته .

كانت نتيجة عهد ووعد بين اثنين من اول يوم يعيشوا مع بعض علي الحلوة والمرة كانت نتيجة راجل احتضن واحتوي وصان وقدر وسند وعز وحافظ علي كرامة حبيبته.

السيد الرئيس اول ما نزل من علي البوديوم بعد إلقاء كلمته ومن خلال قراءتي للصورة وتوقعي لحوار لم اسمعه باذني لكني تخيلته و ترجمته من نظرتهم لبعض .. اول حاجة عملها انه سالها ايه رايك؟ تقوم هي ترد عليه وتقوله كنت عظيم اوي اوي يا حبيبي . ايه الروعة والجمال ده كله ما شاء الله ابهرت كل اللي موجودين .

السيد الرئيس اول ما خلص كلمته ورجع مكانه جنب حرمه كان شغوف جدا واول اهتمامه انه يعرف رأيها هي وبس هي اللي طول عمرها بتشجعه وبتدعمه وواقفة جنبه وهو مقدر ده جداا جدااا .

خطوة السيد الرئيس المتوازية جنب حرمه وكمان هو بيقدم حرمه لكل اللي بيجي يسلم عليه كانت رساله قويه كلها احترام وفخر هذه هي حبيبتي وزوجتي وشريكة كفاحي ونجاحي..سيدة مصر الأولي .

الرسايل كانت غير رسمية كانت حميمية ومجتمعية واسرية كلها عراقة واصل كانت دروس قوية لكل أسرة مصرية .

لما تلاقي اللي تكون لك كده اتمسك بيها قوي ولما تختاري اختاري الراجل اللي يكمل معاكي بالشكل ده .