بوابة الدولة
الجمعة 13 مارس 2026 10:05 صـ 24 رمضان 1447 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية

الأديبـة شيـماء غريب تكتـب :قطّع دفاتـر العتاب

الأديبـة شيـماء غريب
الأديبـة شيـماء غريب

جرا إيه يا ليل..
هو مفيش في الدنيا غيري تسهّره...
همك تقيل...
كتب القمر تنزل لقلبي تحيره وتكدره...
ضيك قليل
كل النجوم مش قادره حتي تنوره..
جرا إيه يا ليل...
فين النسيم فين زهرك اللي عطّره
اشهد يا نيل...
علي وجعه ليا كل ليلة ضيع ربيع العمر فيا وبدله....

حيران يا قلبي...

مبقاش في ايدي غير إني أشوفك وأتوجع...

وفضلت اقولك هاتلي حد في يوم هجّر بعدين رجع

غاوي تفتّح في الجراح تحكي اللي راح وتعد كام واحد خدّع

ونقضّي ليل السهد كله دموع وويل مين يعني غيرنا اللي دفّع

لا ليل لحالك مرة رق ولا مرة يعني قمر خضّع..

هات دفتر الأوجاع وقوم....

مالهوش لزوم...
علي وشي تاني اعملي زووم..

عدّ الهموم
شوف كام علامة حزن فيا تكلمك.. دي سنين عذاب مش بس يوم...

واشهد يا ليل...
في سمايا كانت عاملة إيه فيا الغيوم...
كل السهاري يشهدوا.....« ما داقتش نوم»...

عاوز تطّول هاتلي صحبة يونسوني...

بضحكتك كحّل عيوني

بغنوة حلوة عن الهوي هات القمر غنوا اطربوني...

خلي السحاب يخبط في بعضه تنزل دموعه يسعدوني

يخضّر عودي اللي دبّل في سنين عجاف ما روتوني

قطع دفاتر العتاب وامحي ملامح ناس غريبة ظلموني....


نادي علي فجر الأمل علي يوم جديد

يصبح صباحي علي الندي فرحان سعيد

والشمس تبعت ضيها والأرض تطرح طرحها

هات اللي غايب من زمان وعاش بعيد....

وأكتب علي جدار القمر « فرحك أكيد»

أكتب علي جدار القمر فرحك أكيد

أكتب وهات حبر القلم أخفيه فـ دولابي...

ما أنا حبر قلمي كان السبب... جاف وعنيد...

أسعار العملات

متوسط أسعار السوق بالجنيه المصرى12 مارس 2026

العملة شراء بيع
دولار أمريكى 52.3888 52.4888
يورو 60.5458 60.6771
جنيه إسترلينى 70.1696 70.3193
فرنك سويسرى 67.0792 67.2244
100 ين يابانى 33.0133 33.0784
ريال سعودى 13.9596 13.9884
دينار كويتى 170.8981 171.2802
درهم اماراتى 14.2617 14.2947
اليوان الصينى 7.6241 7.6402