بوابة الدولة
السبت 26 يوليو 2025 11:38 مـ 30 محرّم 1447 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية

أحمد فتوح: نصحت إمام عاشور بالانتقال للأهلي.. وهذا طلبي من محمد صلاح

أحمد فتوح لاعب الزمالك
أحمد فتوح لاعب الزمالك

قال أحمد فتوح لاعب نادي الزمالك: إن محمد عبد المنعم هو أكثر لاعب أهلاوي أتمني أن يلعب معي في الزمالك، وكمان أحب رمضان صبحي يلعب قدامي".

فتوح: ميدو بريء من أزمة زيزو

وبشأن الاتهامات التي توجه لميدو بشأن أزمة زيزو ورحيله عن القلعة البيضاء، علق أحمد فتوح:"ميدو ملهوش علاقة في أزمة زيزو".

علاقة أحمد فتوح بـ حسام حسن

وقال “فتوح” خلال لقائه ببرنامج “كلام الناس” الذي تقدمه الاعلامية ياسمين عز بقناة “إم بي سي مصر”:"الكابتن حسام حسن بيحبني جدًا وآخر معسكر كنت هلعب معاه بس حصل لي إصابة، ومحصلش أي مشادة معاه دي شائعة، المشكلة كانت إني مش عايز العب مساك ولكن باك ليفت بس الكابتن حسام بيمشي رأيه".

طلب أحمد فتوح من محمد صلاح

ولفت إلى أن محمد صلاح نجم ليفربول أخويا ولو فيه أي حاجة بكلمه، وهو بيحبني وعارف إني مزاجنجي وبيساعدني وانا مبحبش اصحى بدري وبقول له إلغي الفطار لإني مبحبش أصحى بدري، وبقوله الأفضل ننام أكتر وقت".


أيهما الأفضل فتوح أم علي معلول؟

وأشار إلى أنه في الأول كان بيسهر كتير ولكن بعد المشكلة اللى حصلت له بينام حوالي الساعة 2، وبصحى الساعة 12 ظهرا، وفي المنتخب بيصحى الساعه 10.5.وأضاف بن تايك دلوقتي أجمد ظهير أيسر في مصر وبحب المنافسة ما بينا، علي معلول لاعب كبير جدا وأرقامه جامدة جدا وهو أجمد مني ولكن إمكانياتي أجمد من علي معلول".

أفضل مدرب درب أحمد فتوح في الزمالك

ولفت إلى أن جوميز مدرب كبير أوي وحبيت اللعب معاه، ولو راح الأهلي هيساعدهم كتير جدا، أوسوريو مدرب مرعب جدا كمان، ونفسي احصل على بطولة أفريقيا والعب كأس العالم".

رد فعل أحمد فتوح بعد انتقال إمام عاشور للأهلي

وقال “فتوح”:"انصدمت من إمام عاشور أكتر من زيزو، لأنه كان عايز يرجع النادي بس مكنش فيه فلوس، ولما قال لي رايح الأهلي قلت له ربنا معاك، ولما قال لي فيه الأهلي وبيراميدز قلت له روح الأهلي طبعا".

وتابع:"مين النادي اللي كان هيدفع له 3 ملايين دولار وهو كان عايز يرجع لأنه لم يتأقلم في أجواء أوروبا، إمام عاشور بيحب المناكشة والمناكفة والتريند بس أنا لأ، عيب إمام عاشور إنه بيستفز الجمهور وكهربا نفس القصة، اللقطة".

علاقة أحمد فتوح بكهربا

وأشار:"انا وكهربا أصحاب وهو أخويا، وهو كسب في الأهلي وفي الزمالك، وكان نجم مصر في الناديين".

موقف فتوح من الانتقال للأهلي

وبسؤاله لو الزمالك قرر عرضك للبيع داخل مصر، علق فتوح:"ولو خيروني بين الأهلي وبيراميدز النسبة في قراري هتبقى 50% 50% ".

أسعار العملات

متوسط أسعار السوق بالجنيه المصرى23 يوليو 2025

العملة شراء بيع
دولار أمريكى 49.0360 49.1360
يورو 57.4898 57.6120
جنيه إسترلينى 66.3702 66.5252
فرنك سويسرى 61.7737 61.9387
100 ين يابانى 33.5151 33.5858
ريال سعودى 13.0700 13.0973
دينار كويتى 160.6737 161.0541
درهم اماراتى 13.3493 13.3783
اليوان الصينى 6.8465 6.8607

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار سعر البيع سعر الشراء بالدولار الأمريكي
سعر ذهب 24 5291 جنيه 5269 جنيه $107.27
سعر ذهب 22 4850 جنيه 4830 جنيه $98.33
سعر ذهب 21 4630 جنيه 4610 جنيه $93.86
سعر ذهب 18 3969 جنيه 3951 جنيه $80.45
سعر ذهب 14 3087 جنيه 3073 جنيه $62.57
سعر ذهب 12 2646 جنيه 2634 جنيه $53.63
سعر الأونصة 164582 جنيه 163871 جنيه $3336.34
الجنيه الذهب 37040 جنيه 36880 جنيه $750.86
الأونصة بالدولار 3336.34 دولار
سعر الذهب بمحلات الصاغة تختلف بين منطقة وأخرى