نجوم الفن تدعم محمد سامي بعد إعلان الإعتزال

عبر نجوم الفن عن حزنهم الشديد إثر قرار المخرج محمد سامي المفاجئ بالاعتزال، والذي أعلن عنه منذ قليل عبر صفحته الشخصية على موقع التواصل الاجتماعي "فيس بوك"، والتي تسبب هذا الإعلان في صدمة كبيرة لمحبيه وجمهوره خلال الساعات الماضية، حيث كان العديد منهم يتابعون أعماله الفنية المميزة ويتوقعون المزيد من نجاحاته في المستقبل.

وكان أول تعليق من الفنانين من نصيب الفنانة وفاء عامر، التي أعربت عن حزنها الشديد عبر التعليقات على المنشور الذي نشره المخرج محمد سامي، حيث كتبت قائلة: "خسارة كبيرة بجد ابني الغالي أرجو إلا تتسرع ولكن اعتبرها فترة نقاهة لإعادة ترتيب الأوراق لتقديم عمل بمنظور أخر"

أما التعليق الثاني فكان من الفنان تامر حسني وعلق قائلا: "أوعى تكون عايز تبعد عشان أي إحباط جايز يكون فعلاً في بعض المشاهد اللي الناس إنتقدتها و أنا شخصياً إستغربتها شويه و قولت جوايا أنك مش محتاج تعملها أصلاً لأن عندك الحقيقي و الأهم بس على رأيك الفنون جنون أحياناً فكره مجنونه تنال الإعجاب و فكره لأ، بس ده ميخليناش ننسى إنها بعض مشاهد مش بعض أعمال لأنك بالفعل المخرج الوحيد في تاريخ مصر اللي مفشلش ولا مره و يمكن الحظ محالفكش أوي في عمل ولا 2 على مدار 14 سنه و دي حاجه مينفعش الجمهور ينساهالك".

وتابع: "انت قدمت مسلسل آدم اللي جمع كل المصريين و كل الوطن العربي يتفرجوا عليه زي ماتشات الكوره بسبب أنه أتكلم عن قضية تخص كل الوطن وكان بدايه لصوره جديده أول مره كانت بتتقدم في مصر وبعدها سبق الإصرار و حكاية حياه اللي كانوا نقله كبيره في ديكورات الدراما المصريه و بعدين الأسطوره و البرنس و جعفر العمده اللي حققوا نجاحات ساحقه و كانوا أعلى نسبة مشاهدات في الدراما بشكل عام و بعدهم نعمة الأڤوكاتو و إش إش و سيد الناس اللي برضو كل واحد فيهم يا أعلى مشاهده يا تاني أعلى مشاهده"

أضاف: "هزعل منك لو هتمشي محبط و أنت أنجح حد الشجره الخضراء الجميله ساعات بيطلعلها ورق أصفر بسيط عادي بيتقص و بتفضل شجره كبيره و جميله و ده التطوير الطبيعي للبني آدم و اللي بيمر بيه أي ناجح بيطور و عنده شخصيه بدليل مسلسلاتك بيتقال عليها مسلسلات محمد سامي و تركيز الناس معاك دليل على حبهم لأعمالك و رغم إن بعضهم بينتقدوها بس متابعينها حرف حرف ونقدهم ليك بيبقى على قد حجمك و هي دي ضريبة الناجحين الكبار".

وأكمل حديثه قائلا: "سافر و كمل حلمك و أنت منتصر بتاريخك و أوعى تُحبط و أنا عارف إن محمد سامي اللي أكتشفته أنا و قدمته للصناعه و هو عنده 27 سنه لايمكن هيتهزممكن يزعل يومين و يراجع نفسه في مشاهد أنا مبسوط منك أنك بمنتهى الشجاعه الأدبيه أعتذرت على تقديمها خد راحه شويه و إرجع أقوى من الأول و أنا واثق من اللي هتسافر عشانه أنه قرار هيضيف نقله كبيره لمشوارك أوعى تخلي الزعل من بعض المشاهد ينسيك أنت قدمت ايه للدراما".

وأختتم حديثه قائلا: "ياريت قبل ما نقسوا على سامي بالطريقه دي نفتكر هو أمتعنا سنين قد ايه بمسلسلاته و أنا ذكرتها كلها عشان لو حد ناسي أفكره و عشان لو هو محبط يجمد تاني ربنا ينور طريقك و ترجع أقوى و أقوى من أي وقت واثق فيك يا حبيبي و أنا هفضل أخوك الكبير و في ضهرك إن شاء الله طول العمر يا بطل".

ويذكر أن أعلن المخرج محمد سامي خبرإعتزاله عبر صفحته الشخصية موقع التواصل الإجتماعي "فيس بوك" وكتب من خلاله قائلا: "وداعا الدراما التلفزيونية. السنة دي كانت آخر أعمالي التلفزيونية واللي فيها بودع المسلسلات. رحلة طويلة حوالي 15 سنة، قدمت فيهم كل اللي قدرت عليه لإسعاد الجمهور العربي وحققت بفضل ربنا نجاحات مع نجوم كتير ومع شركات وقنوات كلها مهمة"