الاذاعية تقى نور الدين تكتب عن (الكاريزما )
صباح الخير صباح الجمال شخصيات كتير جميلة ليها كاريزما وطلة وروح وابتسامة مالياها حياة ، بنقابلهم في حياتنا وبنستغرب إزاي هما شخصيات جميلة كدة تلاقيه بيتعامل بإنسانية مع كل اللي حواليه ، بتلاقيه مدير ناجح شخصيته قوية صحيح لكنه بيدير بحكمة متناهية ، حضوره طاغي طلته مختلفة ، وجاذبية مطلقة . وجوده يفرق حتى لو مش موجود الناس تحترمه وتهابه ، وفي غيابه يتكلم عنه أحبابه ، يكون شخصهم المفضل ويفتكروه بالخير ، القرب منه يعلي ماينزلش ، ليهم هيبة وشخصية قوية وكاريزما طاغية عندهم ذكاء اجتماعي عندهم احتواء ، مستحيل تروحلهم متضايق و ماترجعش بتضحك ، ماعندهمش مستحيل ومهما يكون بيهم من ضيق وأحزان ومشاكل فهما جاهزين يسمعوك ويفيديوك ويساعدوك حتى لو بالابتسامة والحنية والطبطبة وتلاقي عنيهم بتلمع بالحب والحنية وبيطمنوك ان كل حاجة هتبقى تمام . صاحب الشخصية الكاريزمية إنسان محبوب وقادر علي أسر القلوب والعقول ولديه سحره الخاص و مع الوقت و حب الناس ليهم بيصبحوا شخصيات قيادية في مراكز مهمة ، يكون قياديا وجذابا فيه ثقة كبيرة في القدرة علي حل المشاكل و تأدية المهام الصعبة ، معظم المشاهير والرؤساء كانوا بيمتازوا بالصفة الجميلة دي ويتمتعوا بالشخصية الكاريزمية زي غاندي السادات وناصر و أم كلثوم والشعراوي ، جورج كلوني اوبرا ونفري الأميرة ديانا و مارلين مونرو وكتير من المشاهير . فهل تملك شخصية قوية تميزك عن الآخرين ؟ وهل قال لك أحدهم إنك تمتلك كاريزما أو طلة مختلفة ؟ .. كيف تتحلى بالحضور الكاريزمي وهل تتعامل في شغلك أو مع المحيطين من هذا المنطلق
