مفيدة شيحة: الرجل الطموح يساعد زوجته على النجاح
افتتحت الإعلامية مفيدة شيحة حلقة اليوم، الأربعاء، من برنامجها “الستات”، المذاع عبر قناة “النهار وان”، بالحديث عن احترام الزوج لزوجته.
وقالت الإعلامية مفيدة شيحة: "هي الرجالة اللي بتحترم زوجاتهم نسبتهم قليلة؟! واحترام الراجل للمرأة مش مجرد كلام بيتقال يلم بيه لايكات، والراجل الطموح بيساعد زوجته على النجاح".
وأضافت مفيدة شيحة: "في راجل بينور الست وراجل بيطفيها، ليه اتحولت المقولة دي لنكتة؟ الراجل اللي بيحترم المرأة مشروع أب ناجح".
وتابعت: "لما بيظهر نموذج لراجل بيتعامل مع زوجته بشكل فيه تقدير واحترام بتلاقي العين عليه وبتشكر فيه جدا، وبنبدأ نشوف كلام كتير على السوشيال ميديا عن الراجل ده ومعاملته لمراته".
وأكملت مفيدة شيحة: "يخرج علينا سؤال من نوعية طب هو معقولة في رجالة كده؟ والحقيقة أنا مش عارفة هو مين قال إن مافيش رجالة كدة، آه يا جماعة في رجالة كده".
