الحكم الدولى رضا البلتاجى عضو مجلس النواب يكتب لبوابة الدولة الاخبارية .. حقك عليا

حقك علا ما تزعلشِ .. ما اقدرش والنبي ما اقدرش .. حقك عليّا ما تزعلش .. ده أنا أبيع الدنيا فدا نسمة.. ألاقيك من بدري باعتهالي .. وأضحّي روحي عشان كلمة .. تضحك في عينيك وتقولهالي . . وتصدق أوما تصدقش .. الحق عليّا ما تزعلش حقك عليّا ما تزعلشِ ... ما اقدرش والنبي ما اقدرش ....
رحمة الله على فنانتنا الراحل ليلى مراد التى امتعتنا بكلمات فتحى قورة فى واحدة من أجمل اغانيها ،،، اغنية تناسب شخصية  ضعيفة متسامحة طيبة تتنازل عن كبريائها إرضاء للحبيب  ،،
ما حدث فى لقاء الزمالك وسبورتنج ليلة امس فى نهائى أبطال أفريقيا لكرة اليد فى دولة الراس الأخضر  يعد من قبيل المعجزة ،،، سبورتنج يتقدم بفارق 3  اهداف  حتى ماقبل نهاية الشوط الثانى بتسعين ثانية ثم ينتفض الزمالك ويحرز ثلاث أهداف آخرهم مع صفارة النهاية لينتهى اللقاء بالتعادل وينهى الزمالك السباق  بفارق هدفين بعد شوطين اضافيين معلنا الفوز رقم 12 بالبطولة ذاتها  ،،،،  ياسلام لو فريق الكرة بيلعب بنفس الحمية والكفاح 
## على بعد خطوات من حى المقطم وفى شارع 9  الرئيسى بنى أحدهم عمارة من خمسة أدوار وتجاوز كل الاعراف وخالف القواعد ومد حدود المبانى حتى ما بعد الرصيف فى مخالفة لا تحدث فى أسوأ العشوائيات  وباستعارة جملة من فيلم جاءنا البيان التالى للفنان محمد هنيدى وحنان ترك  (علشان هو ليه ناس موهمين)  ماحدش قرب ناحيته ولا عمله اى حاجة رغم ان الحى لايكف عن مطاردة باعة التين الشوكى والبطاطا وبائعة الجرايد ،،، المشكلة بقى ان الراجل ده هيشجع الباقيين على أن يسلكوا نفس النهج فتتحول المدينة التى كانت ملتقى العشاق لفرط هدوئها إلى عشوائية   ،،، الجميل بقى ان رئيس الحى لو وقف فى بلكونة مكتبه هيشوف العمارة ،،،.  طبق القانون  وشيلها  اوأمنع عنها المرافق 
 ##  لما يكون مركز شباب محاط بأكثر من 300 محل  تجارى ويقوم  مستأجر احد المحلات ببناء شقة سكنية أعلى محله  اللى مفروض يخليه فى غضون سنوات تطبيقا لقانون الإيجارات الجديد  ويتبعه العشرات بنفس النهج واكلم رئيس الحى ونائب المحافظ وسكرتير المحافظ ومدير مكتبه وهو شخصيا للحفاظ على أموال الدولة فاخسر أصوات الناخبين ونحن على أبواب دورة جديدة وفى نفس الوقت لم يحرك أحدا ساكنا ،،،،،،،  شهور قليلة واقعد فى البيت اربى بط وازرع ليمون