رضا عبد العال يتغنى بفوز الفراعنة ويوجه رسالة نارية لـ زيزو

علق الكابتن رضا عبد العال علي فوز منتخب مصر أمام نيوزيلندا بنتيجة (3-1) في كأس العالم.

وقال رضا عبد ألعاب فيديو فيديو نشره عبر موقع فيسبوك:"المنتخب عمل شوط تاني عالمي بقيادة الأسطورة محمد صلاح وشوت اول للنسيان والله و عملوها الرجالة محمد صلاح بيثبت انه الدهن في العتائي ، محمد صلاح فعلا بيثبت انه تالت احسن لاعب في العالم بعد ميسي و كريستيانو الي شايل الكافة زي ما ميسي شايل كافة منتخب الارجنتين ".

واضاف عبدالعال :"الشوط الاول نيوزيلندا تفوقت علينا بدنياً كانوا هما الأفضل ،مصطفي شوبير في الشوط الاول بالكامل كان نجم اللقاء بلا منازع لانه انقذ ٣ ٤ فرص و النتيجه صفر صفر والنتيجه واحد واحد و اتنين واحد مصطفي تألق و من وجهة نظري وياخد رجل المباراة ".

وتابع :"الشوط التاني اللعيبة حست انهم لازم يعملوا حاجة و فيه تحركات استحواذ خطورة بعد الجون الاول الثقة بدات تدخل للفريق كله و كله كوم و فرصة زيزو كوم تاني خالص يعني انت رقصت حط في الجون ليه بطول فيها و تصعبها علي نفسك و محدش مغطي ، يبقي دخل علطول في الجون فانت عبال موقفت و رجعتها من الرجل الشمال لليمين ضيقت المساحة عليك وجات في رجل الجون و رجعت ".