صفقة تبادلية محتملة بين الزمالك والمصري.. شوبير يكشف التفاصيل

كشف الإعلامي أحمد شوبير حارس مرمى الأهلي ومنتخب مصر السابق عن صفقة تبادلية محتملة بين الزمالك والنادي المصري البورسعيدي قبل غلق باب القيد الصيفي بعد نحو 6 أيام.

وقال أحمد شوبير في تصريحات إذاعية: «فيه صفقة تبادلية مرتقبة بين الزمالك والمصري، أحمد عيد عايز يروح الزمالك والمصري مبيقولش لأ لكن بشرط يمشي بشكل كويس للنادي، والمصري عايز عايز حارس مرمى عشان غالبا محمود جاد هيرحل إلى بيراميدز والفترة اللي فاتت شهت مشاكل بينه وبين إدارة النادي البورسعيدي وتم منعه من السفر مع الفريق إلى معسكر تونس».

وأضاف شوبير: «فالمصري عايز حارس مرمى ودائما الكلام على صبحي وعواد، ومحمد عواد قال لك حضرتك ما تفرضش على نادي، زي أحمد عبدالقادر في الأهلي وده حقه، ومحمد صبحي كمان معندوش مشكلة هو عايز يكمل في الزمالك بس قال لو عايزين تسيبوني ماشي بس سيبوني اخد اللي أنا استحقه برضه حقه».

واختتم شوبير: «مش عارف يا جماعة الناس ليه بتزعل ليها لما اللاعيبة تدور على حقها».