كامل الوزير: القروض واحدة من أدوات التمويل.. والموازنة محدودة

قال الفريق كامل الوزير، نائب رئيس الوزراء للتنمية الصناعية وزير النقل والصناعة، إن القروض أداة من أدوات التمويل، وإن البعض ينتقد الاعتماد عليها في تنفيذ المشروعات.

وأضاف الوزير، في كلمة اليوم بملتقى بناة مصر: "عندنا موازنة محدودة وعايزين نعمل عشرات الأضعاف من المشروعات اللي تكلفتها تقريبًا عشرات الأضعاف برضو من الموازنة اللي موجودة عندنا".

وتابع: "لو عايز أعمل مشروع ومهم جدًا، عايز أعمل مصنع، أو مينا، المينا دي هتجيب فلوس. لما آخد قرض النهاردة من البنوك المصرية أو من البنوك حتى العالمية، القروض التنموية الميسرة اللي بـ0.1 و0.15% فايدة، وعشر سنوات فترة سماح، ثم 30 سنة أو 20 سنة أو 25 سنة فترة سداد. أنت تاخد القرض تعمل المينا، تعمل رصيف في مينا، تشغله وتديره سواء بشركة مصرية أو شركة عالمية تدر لك دخلا، قبل حتى حلول فترة السداد القرض".

وأكد الوزير العمل على استغلال ما يتاح من الموازنة وتعظمه ولا تهدر منه، وتضع كل مليم في مكانه "كل مليم مش كل جنيه ولا كل دولار".