كامل الوزير: محافظ البنك المركزي أخدني بالحضن وقالي احنا في ضهرك
كشف الفريق مهندس كامل الوزير نائب رئيس الوزراء للتنمية الصناعية وزير النقل والصناعة، عن تفاصيل احدى مناقشاته مع رئيس البنك المركزي السابق ، قائلا: “عرضت عليه وقولتله هاخد القرض ده وأعمل المشروع التاني ومش هاخدله قرض، عندي مثلا مترو أبو قير بالإسكندرية 3 مراحل، عندي مرحلة محطة مصر ومحطة مصر من الكيلو 21 ومن الكيلو 21 لبرج العرب، أخدت قرض للمرحلة الأولى 21 كيلو، وقولتلهم أنا هدخل شركات مصرية وهدخل منتج محلي وهوفر من المليار ونصف ده 750 مليون جنيه هعمل بيهم المرحلة الثانية، قام رئيس المركزي خدني بالحضن وقالي ربنا يكرمك واحنا في ضهرك”.
وأوضح نائب رئيس الوزراء ، “ أنا لو ما أخدتش قرض يبقى كأن مفيش حاجة اتعملت، لا هيبقى فيه صناعة ولا زراعة ولا سياحة، طب نفضل قاعدين كده ولا ناخد قرض نمشي الدنيا ونعمل”
وتابع الوزير: “طب مين يسد القرض، لو سددت القرض من التذكرة يبقى هتغلى التذكرة شوية، يبقى غليت على الناس، وانت لما تنقل صناعة من المصنع للميناء انت مش رايح تصدر، مش جبت دولار؛ لما بتنقل زراعة بتدخل دولار، طبعا يبقى كل ده تطوير وبتجيب لمصر دولار.
وأضاف نائب رئيس الوزراء، لقد حصلت على قرض بفائدة 8% من طارق عامر، لافتا أنه أخذ جزء من البنك المركزي بالجنية المصري، ونوه قائلا “كنت واخدها أيام طارق عامر لما كانت الفائدة 8%، وهي في الأصل 12%، لكن طارق عامر ادهالنا بـ8% في صورة مبادرة، والدولار كان بـ18 جنيه وكسبنا فيها وسددتها في 6 شهور”.
