قصيدة فُراق الأحبة للشاعر محمد شعبان

خلونا نتفارق وسموا الفراق معاش

ونسيوا إن القلوب على وعد الذكريات تتعاش

العِشرة غالية والكلام الحلو ما ابتداش

الحكاية حفلة ولمة وناس حلوة والزعل منه بلاش

والأحلى لمتنا الجميلة ياخسارته اللى ماجاش

بس انهارده يا سادة صعب وسط الفرح الدموع تتحاش

وصعب الكلام يطلع وسط الشغف عالحلو اللى عاش

تسمحيلى أحكى بإسمك

الإسم زوزو وليكى فى القلوب مَعزة .. قيمة وقامة وأصل وكرامة وعِزة

ريس موظف وعامل يعلم رب الكون .. مهما طال المعاش ليكى في القلوب مَعزة

وأبصم بإيدى وعمرى الجاى
وأحلف بالحضور واللى رايح والى جاى

إن سيرتك ما بينا نور وحبك حى
واسمك عالورق بيلمع زى القمر ضى

وإنك يا ست الكل غالية وما فى زيك فى الوجود زى