حسام حسن: مصطفى شوبير مؤدب وذكى ومثقف ونيته كويسة لزملائه
قال الكابتن حسام حسن المدير الفني للمنتخب الوطني المصري لكرة القدم، مصطفى شوبير "أوفا" ربنا يحفظه لأهله وعندى ثقه فيه، وهو مؤدب وذكى ومثقف ونيته كويسة لزملائه سواء لعب أو لم يلعب وبيطور نفسه، وهاجمونى فى البداية لما أخدته.
مخدتش مصطفى شوبير مجاملة
وأضاف خلال ببرنامج معكم منى الشاذلى، الذى تقدمه الإعلامية منى الشاذلى على قناة on، انا مخدتش مصطفى شوبير مجاملة لحد، وانا كنت وقتها باصص لـ 2026 وبعمل للمستقبل فى اختياراتى، والناس كانت تقول مكنش بيلعب وواخده مجاملة.
تابع، تعاملت مع مصطفى شوبير بان عنده القدرة وهيؤدى فى الملعب وعنده شخصية وصممت أنه لازم يكون متواجد فى كل المعسكرات، علشان حداثة عمره وشطارته وكنت مقتنع بيه أنه فى يوم من الأيام هيلعب، ومكنش عندى قلق منه، ورهانى عليه كان فى محله.
