عز وإيمان الحب اللى كمل 50 سنة زواج بلا أولاد.. القصة فى ”ست ستات”
قالت الإعلامية سالى شاهين خلال تقديم برنامج "ست ستات" المذاع على قناة "DMC"، الحب الحقيقى هو اللى قدر يكمل ويعيش سنين طويلة، وكل ما الزمن يعدى الحب دا يكبر، وده اللى حصل مع الزوجين عز الدين زهدى وزوجته إيمان، واللى احتفلوا بعيد جوازهم الـ 49 وداخلين على 50 سنة حب ورومانسية ودلع وكلام حلو، وبالحب والتفاهم والعشرة قدروا يعدوا ويتغلبوا على كل المشكلات".
وقال الزوج عز الدين زهدى، جيوفيزيائى، خلال حلوله ضيفا بالبرنامج:"الحب الأول ييجى فى سن المراهقة، لكن الحب الحقيقى اللى بييجى وقت ما بيتكلم اتنين مع بعض وبيعيشوا ويتبادلوا الأفكار مع بعض، فيما عدا ذلك مش حب".
أضاف عز الدين زهدى:"لما بنزعل بصالحها تلقائيا وبتبصلى تقولى يا أبو شعر أصفر وعنين خضراء، لافتا إلى أنهما يعيشا معا منذ 50 سنة بدون أطفال، ومرينا بتجارب وعملنا اللى علينان والموضوع ده مشكلش عقبات علينان وبقينا نتفسح ونسافر وعشنا فى الجزائر فترات جميلة واستمتعنا فيها".
أوضحت الزوجة إيمان عز، أن الحب الأول خيال، والحياة فيها حلو ووحش وفى نفس الوقت انا شخصيتى مبحبش الملل، وزوجى بيعملى احتفالات بالمناسبات المختلفة ومتجددين دايما علشان منحسش بملل".
وتقدم حلقات برنامج "ست ستات" على قناة "DMC"، كل من الإعلاميات سالى شاهين ونهى عبد العزيز وشريهان أبو الحسن وآية جمال الدين وجاسمين طه زكى وسناء منصور.
ويقدم البرنامج يوم السبت من كل أسبوع الإعلامية سالى شاهين ويوم الأحد الإعلامية نهى عبدالعزيز، فيما تقدم البرنامج يوم الاثنين الإعلامية شريهان أبو الحسن وفى يوم الثلاثاء الإعلامية آية جمال الدين، أما يوم الأربعاء فتقدم البرنامج الإعلامية جاسمين طه زكى ويوم الخميس الإعلامية سناء منصور، وفى يوم الجمعة تقدم المذيعات الست الحلقة ليتناقشن فى موضوع مهم من وجهة نظر كل واحدة منهن.
يسلط "ست ستات" الضوء على قضايا المرأة والمجتمع والأسرة، ويقدم العديد من الفقرات التى تخاطب وتهم الشارع المصرى، كما يسلط الضوء على مختلف القضايا التى تمس الأسرة، بالإضافة إلى محتوى متنوع يعكس الاهتمامات والتحديات التى تواجه المجتمع.
