لايف كوتش لـ”ست ستات”: الصراحة بين الشريكين مطلوبة بدون تفاصيل تثير الشك

أجابت نهال فهمي لايف كوتش، عن سؤال طرحه برنامج "ست ستات" المذاع على قناة "DMC"، خلال حلولها ضيفة بالبرنامج، وهو هل الصراحة بتبني ثقة ولا بتعمل غيرة وشك ومعايرة؟ كما قدمت نصائح عن "الوقت المناسب اللى ممكن يحكى فيه الشريك عن الماضي وإمتى ميحكيش".

وقالت نهال فهمى: "فى حاجة اسمها اتفاقات ما قبل العلاقة، فلو اتفقنا واتراضينا ولقينا وجهات نظرنا متفاهمة لازم نحط قواعد للعلاقة أولها نسأل بعض هل هنحكى لبعض كل حاجة؟ وهيكون فى عقلانية فى التصرف ورد الفعل والتفهم ولا لا؟".

وأضافت نهال فهمى: "فى طرف ممكن يقول لا مش عاوز اسمع تفاصيل لو كانت ليكى علاقة قبل كده، لأنى بضايق ولو فى حاجة تخصنى وتهمنى إحكيهالى"، لافتة إلى أن "أى حاجة فى الماضى ليها توابع وستؤثر عليه فى حياته".

أكدت: "لازم أقول لشريك حياتى عن الماضى بتاعى لو كنت مجوز أو خاطب أو حبيت، لكن تفاصيل العلاقة كان فيها إيه أو كنا بنروح فين ونسمع إيه ترجع للاتفاق اللى اتفقنا عليه فى البداية هل اتفقنا على حكاية كل التفاصيل أو لا؟".

أوضحت: "فى صراحة بين الشريكين مؤذية ودى لما بقول الحقيقة اللى بتضر وتثير الشك وترفع درجة الغيرة، وفيها مقارنة، وده بيدمر العلاقة، لكن الصراحة مطلوبة بدون الدخول فى التفاصيل اللى بتثير الشك أو الغيرة".

وتقدم حلقات برنامج "ست ستات" على قناة "DMC"، كل من الإعلاميات سالى شاهين ونهى عبد العزيز وشريهان أبو الحسن وآية جمال الدين وجاسمين طه زكى وسناء منصور.

ويقدم البرنامج يوم السبت من كل أسبوع الإعلامية سالى شاهين ويوم الأحد الإعلامية نهى عبدالعزيز، فيما تقدم البرنامج يوم الاثنين الإعلامية شريهان أبو الحسن وفى يوم الثلاثاء الإعلامية آية جمال الدين، أما يوم الأربعاء فتقدم البرنامج الإعلامية جاسمين طه زكى ويوم الخميس الإعلامية سناء منصور، وفى يوم الجمعة تقدم المذيعات الست الحلقة ليتناقشن فى موضوع مهم من وجهة نظر كل واحدة منهن.

يسلط "ست ستات" الضوء على قضايا المرأة والمجتمع والأسرة، ويقدم العديد من الفقرات التى تخاطب وتهم الشارع المصرى، كما يسلط الضوء على مختلف القضايا التى تمس الأسرة، بالإضافة إلى محتوى متنوع يعكس الاهتمامات والتحديات التى تواجه المجتمع.