مى سليم: استمتعت بالخمس حلقات فى حكاية ”اعمل نفسك ميت” بمسلسل ”نصيبي وقسمتك”
قالت الفنانة مى سليم إنها استمتعت جدًا بالخمس حلقات فى حكاية "أعمل نفسك ميت" فى مسلسل "نصيبى وقسمتك"، متابعة: "الجمهور بينبسط بالحكايات اللى عدد حلقاتها قليل".
وأضافت مى سليم، خلال برنامج كلمة أخيرة، المذاع على قناة on: دور "رحيل" فى حكاية "اعمل نفسك ميت" دور مهم أوى وصعبت عليا، وفيها مشاعر ورومانسية كتير وعملتها بإحساس وحبيتها أوى ورد فعل الجمهور كان جيد جدا وكنت سعيدة به.
وتابعت مى سليم: "السوشيال ميديا قاسية جدًا ولكن أنا بحبها وحريصة إنى أكون موجودة بأخبارى الفنية وأشارك المتابعين بعلاقتى بأسرتى وأخواتى ويشوفونى مع بنتى، وهيحبولى الخير لكن بعض الأوقات بيكون فيه حاجات سلبية".
وعلقت مى سليم على انتقادات السوشيال ميديا: "أتقبل منك أى نقد، ولكن متشتمونيش أنا أحب اللى يقولى حاجات أطور بيها من نفسى"، متابعة: "لدى أشقاء، وهم 4 بنات وولد، والبنات هم داليا، ومالهاش علاقة بالفن، ثم دانا، وبعدين ميس، وبعدين مى، وكنت أصغر واحدة وبعدين ماليش أى كلمة مسموعة وكانوا مش بيرضوا يدونى مفتاح البيت عشان مضيعوش".
وقالت مى سليم: "دانا حمدان بتعمل مجهود حلو وكبير فى دعم السياحة، ورغم إنها تبان رزينة إلا أنها شقية أوى، وميس حمدان بسيطة ورقيقة جدا فى البيت وبعمل مسلسل 15 حلقة وفيلم سعودى ولسة مفيش حاجة فى شهر رمضان لكن قريب هتسمعوا حاجة حلوة أوي".
