فريدة سيف النصر توجه رسالة مؤثرة لـ فيفي عبده وصناع مسلسل «العتاولة 2»

أعلن صناع مسلسل "العتاولة 2" عن انضمام فيفي عبده لأبطال المسلسل، الذي سيشارك في السباق الرمضاني 2025، خلال التحضيرات النهائية للمسلسل، وقرب بداية تصويره.

ووجهت فريدة سيف النصر رسالة من خلال ET بالعربي لفيفي عبده ولصناع المسلسل وكل أبطاله :"وقالت فيها " أنا طبعاً عملت بوست أما عرفت عن انضمام فيفي عبده للعتاولة 2، وطبعاً ده مسلسلي وده نجاحه كان معايا ومع كل الموجودين طبعاً كلنا شركاء في النجاح، بما فيهم المخرج، الإنتاج والفنانين".

تابعت كلامها: "وده يعتبر ابن من أولادي، الحمد لله اللي كلهم ناجحين زي بدون ذكر أسماء. الأب الروحي، الفتوة، الرحايا، أوراق مصرية، وحاجات كتير مش هقدر أحدد الأدوار اللي أنا بحبها، لكن ده آخر العنقود، ابني الصغير اللي بحبه جداً، لكن حتى ابنك الصغير لو سافرتي أو بعدتي بتبقي عايزاه ينجح، ودايما تتابعي عامل إيه، أخبارك إيه".

وأضافت: "فـ طبعاً انضمام فيفي عبده لهم ده إنجاز حلو أوي، أنا شخصياً بحبها، ست لذيذة ودمها خفيف، وإحنا طبعاً نكدنا على الناس كتير، قتل ودبح وسرقة، وموت مفاجآت زي وفاتي كدة، ففيفي هتعمل روح كدة فيها كوميديا فيها لذاذة

واختتمت: "مبروك يا فوفة، وميرسي جداً على مجاملتك ليا في فرح ابني ورقصك فيه، وكل اللي عملتيه، وميرسي جداً لكل زمايلي، وأتمنى لهم النجاح، وعلى فكرة اللي بيتمنى الخير للناس ربنا بيديله زيه وأكثر، والحمد لله على كل حال، ومبروك للجميع يا حبايب قلبي، ربنا يجعل وشك حلو عليهم، مبروك".