طبيب شيرين يكشف تطورات حالتها الصحية: بخير ولازم نقف جنبها
كشف الدكتور نبيل عبدالمقصود، أستاذ علاج السموم بكلية الطب جامعة القاهرة، وطبيب الفنانة شيرين عبدالوهاب عن تفاصيل حالتها الصحية وتطورات حالتها الأخيرة.
وقال عبدالمقصود، في تصريحات لـet بالعربي: "شيرين بخير وكويسة، وحياتها ماشية بطريقة حلوة، وهترجع لجمهورها قريب بأغاني كثيرة، شيرين شخصية جميلة وعفوية وطيبة، والكلام اللي بيطلع منها بيبقى من قلبها وبيوصل لقلب جمهورها".
أضاف: "أنا بعتبرها مطربة مصر الأولى لأنها بتقدم طرب حقيقي، وبقول لجمهورها اقفوا جنبها لحد ما ترجع تاني للساحة وادعموها".
وفي سياق متصل، طرحت المطربة شيرين عبدالوهاب ثالث أغاني ألبومها الجديد بعنوان "هنحتفل" عبر المنصات الرقمية ومواقع التواصل الإجتماعي. والأغنية من كلمات تامر حسين وألحان عزيز الشافعى وتوزيع توما، الذين حرصوا على الترويج للأغنية طرحها على حساباتهم بمواقع السوشيال ميديا.
كلمات الأغنية:
أنا عاوزة أقولك لو كنت معايا تركيزي كله ودنيتي ليك، لأ عادي جدًا هلغي اللي ورايا وأدلع فيك، تلفوني هيتقفل وأنا وأنت هنحتفل هنحتفل باللحظة الحلوة دي والنوم حرام لو الواحد غفل عاوزة أستغلك ومأسبش دقيقة جمب القمر دا وأبص لمين، أبص لمين وأنا لما أقابلك عندي كلام تاني من اللي هتسرح فيه.
وطرحت النجمة شيرين عبد الوهاب أغنيتين جديدتين من ألبومها الجديد خلال اليومين الماضيين، على موقع إكس، بعد حذفهما من يوتيوب، الأغنية الأولى بعنوان "اللي يقابل حبيبي" من كلمات تامر حسين وألحان عزيز الشافعي وتوزيع وميكس أمين نبيل، هندسة صوت خالد سند أمين نبيل، والثانية "بتمنى أنساك" كلمات وألحان عزيز الشافعي وتوزيع وميكس توما
