الرئيس السيسي: أمن واستقرار الدول مسئولية الشعب بجانب الحكومة والقيادة

قال الرئيس عبد الفتاح السيسي، إن استقرار الدول والحفاظ علي أمنها لا يخص الحكومة فقط بل والشعب أيضا، متابعا: "لكل المصريين.. من كام يوم كنا بنتكلم وقولت إن استقرار الدول والحفاظ على أمنها واستقرار مش أمر يخص الحكومة والقيادة بس.. كل أفراد الشعب.. كل أفراد الشعب مسئول عن أمن واستقرار البلد.. انا بقول الكلام ده في وقت صعب أوي.. انتوا شايفين المنطقة والعالم في وضع صعب ومضطرب.. وأوضاع قطاع غزة".

وأضاف الرئيس السيسي خلال كلمته في حفل عيد الشرطة 72: "اتكلمنا في شهر أكتوبر خلال حفل تخرج دفعة جديدة من الأكاديمية.. وبعد 4 شهور تقريبا بنتكلم في نفس الموضوع.. يا تري الـ 4 شهور دول عدوا علينا بسهولة في مصر؟!.. احنا كنا بنواجه أزمة كورونا وبعد منها الأزمة الروسية.. ودي أقل حاجة، وجه موضوع الملاحة في البحر الأحمر".