غادة عبدالرازق/ 30 سنة باخد علاج نفسي ..و تكشف مفاجأة لأول مرة عن طلاقها
حلتّ الفنانة غادة عبد الرازق، وابنتها روتانا وحفيدتيها، ضيوفا، ببرنامج "معكم" منى الشاذلي، على قناة "ON"، برفقة ابنتها وحفيدتيها.
ردت الفنانة غادة عبد الرازق، على سؤال لماذا قررت دخول مجال التمثيل، قائله: "أنا كانت موهبتي الوحيدة إني أرقص قدام المراية وأسرق باروكات أمي وأقلام الروج، لكن كنت بتفرج على التليفزيون ونفسي أبقى مشهورة، وأمشي في الشارع الناس تعرفني".
تحدثت غادة عبد الرازق، عن معاناتها مع المرض النفسي، قائلة: "بقالي 30 سنة بأخد علاج نفسي، وده مش عيب".
وأضافت غادة عبد الرازق: "المشكلة إن فيه حاجات مهما حصلت مقدرش أقولها لأقرب الناس ليا ودي فائدة الدكتور النفسي".
فوجئت غادة عبد الرازق بالتصفيق الحاد من قبل الجمهور فور دخولها الاستوديو، معلقه: "هعيط"، لترد منى الشاذلي قائله: "أنا لسه متكلمتش يا غادة".
وبكت الفنانة غادة عادل على الهواء فور دخولها الاستوديو، لتعلق منى الشاذلي، قائله: "دخول ملكي يليق بموهبتك".
روت غادة عبدالرازق تجربتها مع الأطباء النفسيين، قائلة: "من فترة ذهبت لطبيب نفسي شهير جدًا، عشان كان عندي مشكلة، أول ما دخلت العيادة لقيت الدكتور قاعد بيلف بالكرسي طول ما هو بيسألني وأنا أجاوبه، وفي الآخر قلت له، إيه رأيك يا دكتور، لقيته كتب لى روشتة أدوية كتير، وقالى خدى الأدوية دي لمدة أسبوعين وبعدين تعالى".
وأضافت: "وأنا خارجة من عنده لقيته قاعد بردو بيلف بالكرسي، ده عصبني جدا.. طلعت قلت للممرضة نصيحة مني لازم تبلغي عنه الشرطة.. ده محتاج دكتور".
كشفت الفنانة غادة عبدالرازق، سبب زواجها في سن صغير، قائله: "مكنتش مضطرة، أنا كانت عقدتي هي أني نفسي أخرج".
وأضافت: "كنت بشوف أختي مخطوبة، وكانت علشان مخطوبة بتخرج، فأنا كنت هموت عايزه أخرج"، لافته: "والدي مات وأنا عندي 12 سنة، وأختي كانت بتخرج وهي مخطوبة وأنا كنت هموت وأخرج".
تحدثت الفنانة غادة عبد الرازق، عن طلاقها، قائلة: "بعد ما حصلت الخناقات بيني وبين زوجي فاكرة إن ماما كانت بتصلي، وفجأة سمعنا صوت حد وقع، ودخلنا لقينا أمي أصيبت بإغماء أثناء الصلاة".
وأضافت : "طلاقي من زوجي السعودي الجنسية، والد ابنتي الوحيدة روتانا، تسبب في صدمة كبيرة لوالدتي".
تحدثت الفنانة غادة عبد الرازق، عن دورها في حكاية "تحت الحزام" من مسلسل "حدث بالفعل"، قائلة: " شخصية "دكتورة عليا" اللي قدمتها شخصية حقيقية موجودة بالفعل، تم اقتباس قصتها عن طريق أحد الأطباء النفسيين".
وأضافت: "دكتورة عليا شخصية حقيقية عايشة لغاية دلوقتي، وقصة حقيقية من عند دكتور نفسي، وعملت كل اللي شوفتيه في المسلسل".
