هاني سرحان وبسمة داود يكشفان موعد زفافهم .. مفيش فرح
كشف السيناريست هاني سرحان وخطيبته الفنانة بسمة داود عن موعد زفافهم وذلك خلال لقاءهم مع رؤيا مصر على هامش فاعليات مهرجان القاهرة للدراما بالعلمين الجديدة في نسخته الثانية.
وخلال اللقاء كشف هاني سرحان عن موعد الزفاف، قائلا "إن شاء الله هنتجوز آخر السنة وبنحضر دلوقتي للفرح"
وعبرت بسمة داود عن سعادتها لاقتراب حفل الزفاف قائلة "احنا واصلين لمرحلة ان احنا عاوزين نبقى مع بعض لدرجة ممكن منعملش فرح كمان"
وعن شكل علاقتهم بعد الخطوبة وطريقة حلهم للخلافات قال سرحان "بسمة بتتصالح من أقل حاجة لأنها طيبة جدا وربنا بعتهالي هدية"
وردت بسمة داود قائلة "هو غيري مبيزعلش ياحبيبي أنا اللي بزعل دايما وهو مش محتاج يتوصى عليا"
وبسؤاله عن مدى إحراجه في حال ترشيحه لها في أحد الأدوار من كتاباته مستقبلا قال سرحان "بسمة ممثلة وموهوبة وشاطرة وبتشتغل على نفسها جدا ومطلوبة في السوق وأنا عارفها وهي نجمة ولو في دور ينفعها هرشحها ليه طبعا لأن دوري أدعمها"
يذكر أنه احتفل السيناريست هاني سرحان بخطوبته على الفنانة بسمة داود في مايو الماضي فى حفل عائلي اقتصر على الأهل وعدد قليل من الأصدقاء
وتداول عدد من رواد مواقع التواصل الإجتماعي صورا من حفل الخطوبة داخل منزل العروس وهم يحتفلون بحفل خطوبتهم فى جو أسري.
