حمو بيكا ينفي هجومه على منى زكى: ”بوست مفبرك باسمى بطلوا شائعات”
نفي مغني المهرجانات حمو بيكا أنه هاجم النجمة مني زكي بأي شكل من الاشكال، حيث نشر من خلال حسابه علي الفيس بوك صورة له بجانب صورة مني زكي وعلق عليها بـ " للمرة المليون .. بوست مفبرك بأسمي وجرايد تنشر ..بدون التأكد من صحة الكلام .. بخصوص البوست المنتشر عن لساني الكلام ده مصدرش مني نهائي ولا صدرمش في بوست او استوري او لايف علي صفحاتي الرسميه .. كفايه كذب وتضليل وتشويه لاسمي .. مش كل حاجة تنتشر تلزقو اسم حمو بيكا فيها " .
مني ذكي وحمو بيكا
وكان قد نشر الدكتور محمد عبد الستار رئيس قسم الغناء بالمعهد العالي للموسيقى العربية على صفحته الرسمية بفيس بوك توضيح كشف خلاله عن كواليس مقاطع الفيديو والصور المنشورة له برفقة مغني المهرجانات حمو بيكا، مؤكدا أنها التقطت دون علمه منذ عام تقريبا وليس الأسبوع الماضي كما قال بيكا، ووصف الأخير بالمخادع لجمهوره والذي لا يريد أن يتطور.
وقال: ردا على أصدقائي الصحفيين والإعلاميين المحترمين عشان ننهى الموضوع ده تماما، حمو بيكا شخص بيأدى نوعا من المزيكا أنا لا أؤمن بها، ولا أسمعه ولكنه موجود ومنتشر ومش محتاج أى إنكار منى أو من غيرى.
وتابع: "رقم اتنين بكل بساطة النقابة عملت دورها قدام الإعلام، وأنهم يظهروا الحقيقة أنهم مش بيحاربوا حد من غير مبرر، وحبوا يساعدوهم أو يمدوا أيديهم بمعنى أصح لأشهرهم، ونظرا للثقة الكبيرة الحمد لله من أعضاء النقابة فيا وفى تاريخى فى تدريب الأصوات لأسماء كبيرة جدا دربتها طول حياتى، ومش هذكر حد منهم احتراما لخصوصيتهم، تم ترشيحى انى أدربه عشان يقدر يؤدى فى الامتحان، واللى حصل بكل بساطة أننا اتقابلنا مرتين ومن خلالهم قدرت أحدد هل هو يملك الموهبة اللى تخليه يؤدى فى الامتحان ولا لأ.
أضاف: "بعد المرتين اللى ممكن يكونوا بقالهم سنة تقريبا واللى اتاخدت فيهم الصور من غير علمى بالمناسبة، ما حصلش أى مقابلة تانى نظرا لعدم اهتمامه من الأصل أنه يطور من نفسه أكتر أو يحاول يكون أحسن هو بس بيحاول يكسب تعاطف، ويعمل استعراض أنه بيحاول وده مش حقيقى أبدا، وده كل الوضع بالتفصيل الدقيق".
وأضاف: "نقطتى الأهم ردا على أصدقائى الغاليين وولادى وبناتى الطلاب المحترمين، التعليم وتطوير النفس مش حكر على حد، الكل يستاهل فرصة يبقى أحسن لو هو عايز، لما أنا أرفض أعلم حد ناقصه حاجة أو حتى حاجات كتير، وهو أساسا المجتمع عمله نجم مش أنا وده أمر واقع، يبقى أنا بساعده بإيدى يفضل من سيئ لأسوأ وكده أبقى مش بعمل شغلى ودورى المفروض عليا، وبحب أعمله".
وقال عبد الستار: "المجتهد ضعيف الموهبة هينجح وهيبقى حاجة، ومتكامل المواهب اللى قاعد فى البيت مستنى الناس كلها تيجى تخبط على بابه هيفضل حياته كلها فى بيته، وأخيرا أنا دورى كمدرب للأصوات لفترة تعدى الـ30 سنة، وأستاذ دكتور ورئيس لقسم الغناء بالمعهد العالى للموسيقى العربية بيخلينى مستحيل أرفض أساعد حد، وبالعكس فيه أقل منه موهبة ويمكن شفت تعليقاتهم ومبسوط أنى قدرت أساعدهم بفضل ربنا يكونوا أحسن ويبقى كمان عندهم الثقة اللى تخليهم ينتقدوا، الكل يستاهل فرصة يتحدد له هو يقدر وعنده موهبة حتى لو بنسبة ولا لا.
.jpeg)
