النائبه ”نانسى نعيم” تكتب ”منتدي شباب العالم مصنع لرجال المستقبل”
إحنا كشباب في أحداث بتمر في حياتنا بتكوون ملهمه وبتترك أثر ممتد المفعول منتدي شباب العالم أحد اقوي هذه الأحداث المنتدي ده بترجع منه شخص مختلف .
بترجع منه عارف ومقدر حقيقة هويتك بتشوف البلد من وجهات نظر مغايرة بتشوفها بعيون اكتر من ١٥٠ دولة مختلفة منهم الدول اللي بنشوفها سابقانا ومنها اللي بنحمد ربنا ان مصيرنا مابقاش ذيها بتشوف الشباب الضيوف في أول يوم لهم في مصر وهم لسه بيستكشفوا وبيقارنوا بالصوره الزهنية اللي في خيالهم. منهم اللي متحفظ ومنهم اللي بيتفرج لكن بعد كم يوم تشوف الدموع ف عيونهم وهم بيغادروا تعرف ان مش انت بس اللي مفتون بيها ومن غير مبررات بتسمع احاديث وتجارب عن مجتمعات الشباب في بلاد تانيه علشان ترجع تحتار بإرادتك انك تكمل فيها .
٥ نوفمبر ٢٠١٧تاريخ فارق في حياتي
ذهبت في ٢٠١٧ بدعوه من المجلس القومي للمرأة لمنتدي الشباب العالمي كمتحدث عن تجربتي في رياده الأعمال ( البيزنس فكرة مش رأس مال) هكذا كانت كلمتي في حضور العديد من الوزراء ورجال الأعمال. ولم أتخيل وقتها أن المرة التاليه سأكون مدعووة لكن بصفتي عضو في مجلس النواب بل لم أتخيل أن من رحم هذا الكيان ستخرج كل هذه التوصيات اللي بنشوفها بتتحق علي مدار السنين اللي فاتت.
شباب وكيانات و توصيات حصيلة غنية لرؤية مستقبليه شافوها ناس آمنت وصدّقت في إمكانيات الدوله وشبابها.
إنعقاد المنتدي في نسحته الرابعه وسط أحداث جائحة الكورونا دليل علي صلابة الدولة وعزمها علي الإستمرار في الصعود اليوم ولمدة أربعة أيام تتجه أنظار العالم كله نحو فعاليات المنتدي ليكون مادة خصبة للحديث ووجهه وحيدة لمن يبحث عن سياحة مميزة.
