السيسي للمشككين: ماهو رأيكم في العاصمة الإدارية؟
قال الرئيس عبدالفتاح السيسي ردا على المزاعم التي تقول بأن الدولة تولي اهتماما كبيرا بالأغنياء دون الفقراء، «لكن يا ترى بعد المدة دي هل ما زلتم شايفنا مهتمين فقط بالطبقة المتوسطة والأغنياء ولا بالكل؟ مع اللي بتشوفوه على مدى الـ6 أو 7 سنين اللي فاتوا».
وأضاف السيسي خلال حديثه بحفل افتتاح عدد من مشروعات الإسكان البديل للمناطق غير الآمنة، «أنا بحلم بـ3 مليون وحدة زي دول بتكلفة من 500 لـ600 مليار، والأرض مبنحسبهاش، ولكن كل ده علشان المناظر اللي بنشوفها اللي موجودة في أماكن كتيرة».
وتابع الرئيس: «من كام يوم كدا، حد بيقولي هو أنت ليه مش فرحان؟ ده اللي بيتعمل كتير أوي، قولتله تصدق أنا مبشوفش اللي اتعمل بشوف اللي لسة ما اتعملش، واللي متعملش كتير».
واستدرك السيسي قائلا: «بفكر المصريين عندما أطلقنا مشروع بناء المدن الجديدة بما فيها العاصمة الإدارية الجديدة تم شن حملة كبيرة جدا من مغرضين، سواء كان هدفهم التشكيك كالعادة وبث عدم الثقة، أو اللي مش فاهم، واللي مش فاهم هنتكلم ونوعي إنما اللي بيشكك هيفضل بيشكك».
