أحمد ياسر يعلن الرحيل عن سلة الزمالك برسالة مؤثرة

أعلن أحمد ياسر عبد الوهاب لاعب فريق كرة السلة بنادى الزمالك، رحيله عن الفريق، قبل أيام قليلة من مباراة تحديد المركزين الثالث والرابع ببطولة الدورى.

رسالة أحمد ياسر

ونشر أحمد ياسر رسالة عبر صفحته بموقع التواصل الاجتماعى فيس بوك، رسالة وداع لجماهير النادى جاء فيها: "إلى جماهير نادي الزمالك العظيمة،عمري ماكنت اتخيل اني اكتب الكلام ده الكلام صعب… أصعب مما كنت متخيل. أنا واحد منكم قبل ما أكون لاعب في الفريق، تربيت على حب الكيان ده، وعشت كل لحظة فيه بحلم طفل كان نفسه يومًا يلبس التيشيرت الأبيض ويدافع عنه.

من صغري وأنا هنا… اتعلمت، كبرت، واتشكلت شخصيتي جوه جدران النادي شرفت إني أكون جزء من تاريخ كبير، وكنت محظوظ إني أحقق بطولات حققت مع نادي الزمالك العديد من البطولات الغاليه خلال 7 سنوات بطولتين دوري عام بطولة كأس مصر بطولة افريقيا الاشتراك في كأس العالم للأندية، وكان دايما هدفى أفرّح الجماهير اللي كانت السند الحقيقي لينا في كل الظروف.

النهاردة بقول وداع، لكن مش وداع حب أو انتماء… ده وداع مرحلة من حياتي هتفضل دايمًا الأغلى. كل لحظة تشجيع، كل هتاف باسمي، كل وقفة جنب الفريق في الصعب قبل السهل… عمرها ما هتتنسى بشكر زمايلي اللي كانوا إخواتي قبل ما يكونوا فريق، وبشكر كل الأجهزة الفنية والإدارية اللي ساعدتني أو وقفت جنبي في أي وقت وبوعدكم إن حب نادي الزمالك هيفضل جوايا طول العمر… ودايمًا هكون أول واحد يشجع ويفرح بانتصاراته شكرًا على كل حاجة".