الرئيس السيسى: كفاءة الأجهزة الأمنية عنصر لدعم أمن واستقرار الدولة

أكد الرئيس عبد الفتاح السيسي، أن كفاءة الأجهزة الأمنية وجاهزيتها القوية عنصر لدعم أمن واستقرار الدولة، متابعا: "دي مش ميليشيات.. دي مؤسسات دولة هتفضل عنصر استقرار وأمن للدولة المصرية.. من غير ما أشاور على أسماء معينة منها.. الدول اللى عملت مليشيات.. هذه المليشيات كانت سبب بشكل أو آخر في تدمير هذه الدول.. اللى عملوا كده.. محدش حماهم.. اللى بيحمي العباد رب العباد".

وأضاف الرئيس السيسي، خلال كلمته في حفل عيد الشرطة الـ 74: "واللى حمي مصر وكل مرة بقولها.. ولما نتكلم ونقول فلان أو فلان.. لا.. هو ربنا اللي أراد وحافظ وحمي البلد دي.. وإحنا كمصريين ناخد بالأسباب.. اوعوا تقولوا البنات اللى كان عندهم سنة أو سنتين في 2011.. وهو مش عارف آثار اللى حصل في 2011".

وتابع الرئيس السيسي: "إحنا ممكن نتيجة الحالة اللى إحنا فيها.. مش واخدين بالنا أو بننسي.. مطالبين اللى عاش المرحلة دي أنهم دايما يحصنوا شباب وشابات مصر من الكلام اللى ممكن يتعمل معاهم مع التكنولوجيا.. الذكاء الاصنطاعي ممكن يعمل مشاهد مش موجودة.. بيئة تؤدي إلي الاضطراب.. مش الإجراءات الأمنية أبدا.. إجراءات ومؤسسات الدولة المختلفة.. وزارة الاتصالات لها دور.. الشرطة والجيش .. الجامعة .. المساجد والكنائس.. لتوعية الناس.. ده حقهم علينا.. ممكن يكونوا فريسة لتطور تكنولوجي كبير جدا ممكن يؤدي إلى عدم الاستقرار في بلدنا".