لما جبريل لـ”ست ستات”: ”الحب ممكن ييجي مع العِشرة لكن القبول شرط أساسي”
أكدت الإعلامية لما جبريل، أن قرار الزواج يجب أن يكون مبنيًا على التوازن بين العقل والقلب، مشيرة إلى أنها شخص عملي بطبيعته ولا تعتمد فقط على المشاعر في اتخاذ قرارات مصيرية مثل الارتباط.
وقالت جبريل خلال لقائها ببرنامج "ست ستات"، عبر قناة "DMC": "أنا مش من النوع اللي طول الوقت ماشية ورا قلبي، ومع كل ما بكبر بشغل عقلي أكتر. لازم أشوف التكافؤ قبل أي شيء، لأنه في حاجات بتعيش وتبقى أهم من دقة القلب ولهفة الحب الأول"، مؤكدة أن الزواج الناجح يقوم على التوافق والقدرة على بناء شراكة حقيقية، وليس فقط على الانجذاب العاطفي.
وأضافت لما جبريل: "أنا مؤمنة إن الحب ممكن يجي بالعِشرة والوقت، لكن أهم حاجة يكون في قبول وتقدير متبادل، وإن الست تشوف الراجل قدامها في حاجة مميزة بتعليها وتكملها"، لافتة إلى أن الوحدة صعبة وأن وجود شريك داعم في الحياة يظل أمرًا مهمًا.
