شيرين: سناء جميل كانت عندها مشكلة في السمع بسبب صفعة في ”بداية ونهاية”
روت الفنانة شيرين، عن موقف جمعها بالفنانة الكبيرة سناء جميل خلال مشاركتها معها العمل في أحد المسلسلات.
وقالت خلال لقائها مع الإعلامية منى الشاذلي ببرنامج "معكم" الذي يذاع على قناة "on": "مثلت مع أستاذة سناء جميل قبل كدة في دبي، وكانت قايمة بدور والدتي والأستاذ كمال الشناوي والدي، وهي سمحتلي أقول لها يا ماما من البداية، خارج التصوير، فكنت بقابلها الصبح أقولها صباح الخير يا ماما، ترد تقولي صباح الفل يا حبيبتي".
وتابعت: "أوقات مكنتش بتسمعني عشان بتكون مركزة في مشاهد كتير، فكنت بقولها صباح الخير يا ماما، كانت بتبصلي بس، وهي فعلا مش بتكون سامعاني، لأن الصفعة اللي أخدتها في فيلم بداية ونهاية سببت لها ثقب في الأذن، فمكنتش بتسمع كويس، لكنها كانت بتشوف، وبتمتحني قبل ما أمثل قصادها، وبتشوف مستوى صوتي وأنا بقول كلمة ماما".
وقالت: "لما توفت مكنتش متخيلة أني هشوفها في الصندوق، وقفت قصاد الصندوق وقعدت أكلمها وحسيت انها سامعاني، وربنا يرحمها زي ما أسعدت الناس".
