الفنانة شيرين تكشف عن اسمها الحقيقي وعلاقة أم كلثوم بالاسم في ”معكم”
علقت الفنانة شيرين، على اسمها الحقيقي "أشجان"، مشيرة إلى أن الجميع الآن يناديها باسم شيرين، وفي البداية كان من الصعب على والدتها أن تناديها باسم آخر غير أشجان.
وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "on": "في مسرحية المتزوجون أنا وماما كنا داخلين المسرح، وأنا كنت سابقة شوية، وهي ندهتلي قالتلي يا أشجان، قولتلها لو قولتي أشجان تاني مش هرد، قوليلي يا شيرين عشان الناس تعرف".
وتابع: "اسم أشجان كان اسمي طول عمري، واسم شيرين عمره ما كان موجود، ولما بدأت تمثيل قالوا أشجان اسم كبير أوي عليكي، وكان لازم أغير الاسم لاسم فني تاني".
وقالت: "أستاذ اللغة العربية بتاعي كان في أول الدراسة في المعهد بيسأل كل واحد عن اسمه، ولما قولتله اسمي قالي خليكي واقفة، ووقفت 3 ساعات عشان اسمي، وقالي هو بابا كان زعلان انك جيتي الدنيا عشان يسميكي الاسم ده".
وأضافت: "بابا كان بيحب أم كلثوم أوي، فسمعها بتغني تقول (أشجاني) قال هي أشجان خلاص، والأشجان معناها قمة الأحزان".
.jpeg)
