باسل مبارك يتحدث عن الفرق بين البرامج التليفزيونية وعن Saturday night live

تحدث المخرج باسل مبارك، عن الفرق بين البرامج التليفزيونية المختلفة التي عمل عليها طوال مشواره الإخراجي، خلال حلوله ضيفًا في بودكاست الشغلانة مع آسر أحمد، الذي يعرض يوم الأربعاء عبر منصات السوشيال ميديا الخاصة لليوم السابع، ويناقش من خلاله كل ما يخص شغلانة السينما والدراما والبرامج التليفزيونية.

وقال باسل مبارك: "البرامج الواقعية مش مكتوب ليها سكريبت، بتكون زي محطات معينة لازم تعملها في البرنامج، لكن ايه الى هيحصل في كل محطة انت هتكتشفها على الهواء، لان نجوم البرامج الواقعية هم ناس عادية، الى عاوز يفتح بيزنس او اشخاص عاديين، والواقعية هنا انك تحط الشخص في موقف اوقعي، اما البرامج الأخرى هي مكتوبة زي Saturday night live انت بتجيب فنان او نجم بيمثل في محطات معينة مكتوبة بشكل معلوم ومحدد".

وأضاف المخرج باسل مبارك في حديثه قائلاً :"كنت مستمتع جدا ببرنامج Saturday night live ، وهي انك تجيب نجم مش بيمثل مثلا وبيعمل الموقف بشكل ممتع جدا، وهي دي حلاوة البرامج الواقعية ان مش كل حاجة بيرفيكت ومتكاملة، هي اسكتشات وراء بعضها، وعن برنامج شارك تانك :"فكرته حلوة جدا، واحنا طول الوقت نفاجئ ان المشاريع دي موجودة في مصر".