بعد اعتزاله الغناء.. علي قدورة: «أنا توبت وبريء من كل مزيكا عملتها»
أعلن مطرب المهرجانات علي قدورة، اعتزاله الغناء، كما أعلن أنه يريد أن يحذف فيديوهات أغانيه إلا أنه لا يستطيع، ولا يريد أن يتحمل ذنب الأشخاص الذين يسمعون هذه الأغاني.
ونشر علي قدورة فيديو له عبر حسابه على "تيك توك"، قال فيه: " أنا اعتزلت الغناء، علشان مش حمل أشيل ذنب الناس اللي بتسمع الأغاني بتاعتي، وبحاول أحذفها من على اليوتيوب ومش عارف".
كما نشر على حسابه الخاص بانستجرام، " السلام عليكم في يوم الجمعة المبارك أنا علي عبد القادر السيد، الشهير بـ "علي قدورة"، كنت مغني قبل النهاردة، فيه حاجة حصلتلي مش عارف إيه هي بس الحاجة دي هي اللي بتخليني أتكلم دلوقتي، أنا بريء من كل عمل أو مزيكا عملتها في حياتي وبعلن اعتزالي مجال الأغاني لحد ما يفتكرني ربنا".
وأضاف علي قدورة: " ربنا يسامحني على أي حاجة أنا عملتها في حياتي، أو أي حاجة صدرت مني دون قصد، يا رب قربني ليك وافتحلي باب رزق يرضيك، ومفيهاش حاجة لو بدأت من جديد في أي شغل بالحلال، وأي فلوس معايا هسيبها لـ"أهلي".
