سمية الخشاب: رامز تعمد أذيتي وحذفوا كتير من الحلقة عشان إصابتي متظهرش
كشفت الفنانة سمية الخشاب عن تفاصيل إصابتها بعد مشاركتها في برنامج مقالب الفنان رامز جلال «رامز جاب من الآخر»، مؤكدة أن رامز تعمد أذيتها وانها بالفعل رفعت قضية ضده للحصول على حقها.
وأوضحت سمية الخشاب، أنها تمتلك تقارير طبية تثبت تعرضها لتمزق في أربطة القدم والكتف بسبب برنامج رامز قائلة :«هما قصوا كتير جدا من الحلقة.. أنا كنت بقلوا مش قادرة اتحرك وأيدي ورجلي وجعيني طول الوقت لكن هما حذفوا كله ده عشان متظهرش إصابتي».
وتابعت خلال لقائها في برنامج «تفاعلكم» قائلة :« أنا طالعة من الاستوديو بعرج ورجلي وارمة جدا ولما روحت الفندق طلبت يودوني المستشفى.. وتاني يوم الصبح روحت المستشفى وأكتشفت أن عندي تمزق في أربطة رجلي وكتفي وقالولي انتي مش أول حالة تجلنا من عند رامز .. اقل واحد اتصاب كان عنده كدمات في جسمه».
واستكملت قائلة :«ولا واحد من البرنامج أو حتى رامز اتصل يقول اسف أو ألف سلامة.. هو احنا في غابة.. المهم عنده انه يطلع تريند» مضيفة :«أنا طلعت معاه 4 سنين قبل كده في برامجه بس كنت عارفة ايه اللي بيحصل.. بس المرة دي محدش قال».
واختتمت قائلة :«بقالي أكتر من شهر رجلي وارمة وعايشة على المسكنات.. ده تعمد للأذية ومهزلة لا يمكن السكوت عليها .. وانا بالفعل رفعت قضية ومش هسيب حقي».
.jpg)
