الزعيم عادل إمام لشقيقه عصام: «إنت ليه بترد على شائعة مرضي ووفاتي»
كشف المنتج عصام إمام، شقيق الزعيم عادل إمام تطورات حالته الصحية وما أثير عنها في الآونة الأخيرة، قائلًا: "الواحد مل من الشائعات وتعودنا عليها كل شوية شائعة شكل ومش عارفين نعمل إيه"!
وتابع خلال مداخلة هاتفية إلى برنامج "كلمة أخيرة" الذي تقدمه الإعلامية لميس الحديدي على قناة "ON"، أنه كان برفقة عادل إمام اليوم وكانا يتحدثان ويمزحان، قائلًا: كنا قاعدين بنتكلم النهاردة وبنهرج وبيقلي يا عصام دول موتوني قبل كده خمس أو ست مرات هيقولوا إيه تاني"؟!
حول سماع "الزعيم" بأنباء إصابته بألزهايمر، قال عصام: "مش متابع هو سوشيال ميديا كتير لكن سألني إنت ليه بتطلع ترد وتتكلم عني؟ قلتله لما يقولوا عندك زهايمر لازم أطلع وأرد.
وعن سبب عدم خروجه لطمأنة الناس قال: "مش من طباعه الظهور هو قليل الظهور في البرامج والمداخلات وهو عنده مبدأ طول حياته إن أعماله اللي تتكلم"، مبينًا أن العائلة كانت تنزعج في الماضي من مثل هذه الشائعات لكن الآن بات الأمر عاديًا.
