عبير صبري توجه رسالة مؤثرة لروح أخيها الراحل
وجهت الفنانة عبير صبرى رسالة مؤثرة لروح أخيها والذي وافته المنية منذ فترة قصيرة.
ونشرت عبير صبري، صورة لأخيها ومعها رسالة قائلة: "كل يوم بيعدي الحزن والبكا والجرح بيزيد مش بيقل يا حبيبي حاسة كأن روحي عاملة حادثة ومخبوطة ومرمية على الأرض مش قادرة أتحرك وبنزف حزن.. ومعنديش رغبة في أي شيء إزاي أنت كنت جميل كدة وروحت مننا.. الحياة خلاص مش هترجع زي ما كانت أبدا أنا فاكراك ليل نهار وبحبك وبدعيلك وكل الناس بتدعيلك يا رب بحق رحمتك اللي وسعت كل شئ تفرح أخويا وابني في الجنة وتعوضه شبابه يا رب يا اكرم الأكرمين".
هذا وشيعت النجمة عبير صبرى وشقيقتها الإعلامية مروة صبرى جثمان شقيقهما الوحيد أحمد، من مسجد السيدة عائشة، في وم 4 من شهر يوليو الحالي، وتم دفنه بمقابر الأسرة القريبة من المسجد.
.jpeg)
