بوابة الدولة
الإثنين 5 مايو 2025 03:03 مـ 7 ذو القعدة 1446 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية
المدرسة المصرية اليابانية بحدائق أكتوبر تستقبل وزيري التعليم بمصر واليابان وسفير اليابان في القاهرة وزيرة التضامن الاجتماعي تلتقي نائبة وزير خارجية تشيلي.. وتبحثان تعزيز التعاون بين البلدين بنك الطعام المصري يفوز بجائزة هيومانثروبي للريادة في تحقيق أهداف التنمية المستدامة بختام مؤتمر ديهاد من الحقول إلى الصوامع: توريد 46168 طن قمح إلى شون وصوامع البحيرة حتى صباح اليوم وزيرا ” الإنتاج الحربى ” و ” الزراعة ” يشهدان توقيع اتفاقية للاستفادة من المنتجات المدنية والمعدات الزراعية وتسويقها بمشاركة ريهام عبد الحكيم، نفاد تذاكر حفل كوكب الشرق بدار الأوبرا وزير الأوقاف يكشف تفاصيل استراتيجية تجديد الخطاب الديني ربيعة يفاجئ الأهلي بهذا الشرط لتجديد عقده النائب خالد قنديل يكتب : بيان إلى الضمير الحي رسالة.. ضد قانون الإيجار الجائر نتائج حملات مرورية مكثفة لضبط المخالفات المتنوعة بأبو المطامير بالبحيرة تموين الشرقية ضبط 2طن موادخام مستخدمة لتصنيع مستحضرات التجميل رئيس ”تعليم الشيوخ”: تجديد الخطاب الدينى ضرورة لمواجهة الأفكار المتطرفة

«كلامى بالمستندات».. حسام حبيب يكشف سر هجوم شيرين عبدالوهاب الأخير عليه

علق الفنان حسام حبيب، في أول رد له منذ أزمته الشهيرة مع زوجته السابقة الفنانة شيرين عبدالوهاب، مؤكدًا أنه سيتم اللجوء للقضاء في أقرب وقت.

وأضاف حسام حبيب خلال تسجيل صوتي أذاعه برنامج "et بالعربي"، أنه سيخرج ولأول مرة للرد على تصريحات شيرين عبدالوهاب، والتي وصفها بالزائدة عن الحد، دون افتراء أو تشويه لسمعتها.

وقال: "أنا مبعرفش أخرج أقول كلام مرسل، كلامي هيكون من غير افتراء وبالمستندات، وبالحقائق، وكل حاجة دلوقت بحضرها حفاظًا عليها وعلى سمعتها وعلى بيتها بس هضطر أتكلم طبعًا لأن الكلام بقى زيادة أوي".

وكشف عن طبيعة تصريحاتها الأخيرة التي خرجت بها، معتبرها تهديدًا له، مؤكدًا تعرضه لعملية ابتزاز من قبل الفنانة شيرين عبدالوهاب، مرددًا: "دائما بتبتزني بجمهورها وهي فعلًا بتعمل كدة وبتهددني لو مسمعتش الكلام بجمهورها وتشويه سمعتي".

واختتم التسجيل الصوتي مؤكدًا اعتماده على مستندات، لافتًا إلى أن اللجوء للقضاء والخروج للإعلام سيكون بأوراق ومستندات تثبت حقيقة ما يحدث، قائلًا: "أنا مش مستعجل على حاجة".

ماذا قالت شيرين عبدالوهاب

أكدت الفنانة شيرين عبد الوهاب إنها لن تنسى سؤال العديد من الأشخاص عنها فى أزمتها، ومنهم الإعلامية لميس الحديدى والفنانة ياسمين عبدالعزيز والفنانة منة شلبى، متابعة أنها تعلم جيدًا بوجود مشاكل أهم من مشاكلها الشخصية لدى المواطنين وبدأت تشعر بأن موضعها "بوّخ".

وقدمت شيرين، خلال مداخلة هاتفية إلى برنامج "كلمة أخيرة" الذى تقدمه الإعلامية لميس الحديدى على قناة "ON" اعتذارها إلى الجمهور على الهواء، قائلة: "عاوزة أستغفر ربنا على الكذب اللى كذبته عشان أخلى صورة إنسان تبقى كويسة، وأنا كذبت ودى أكتر حاجة ربنا مبيحبهاش.. حسام حبيب ضربني وسحلني على الأرض وهو اللي حلق لي شعري، وأنا من القلعة وممكن أروح أهد عليهم العمارة اللى قاعدين فيها، وأنا عاوزة حقي منه".

وسألتها لميس الحديدى عمّا كذبت بشأنه لترد الفنانة: "كدبت فى حاجات كتيرة أوى لأنى بنت أصول وكنت عاوزة أرفع صورة إنسان ممكن يروح فى يوم من الأيام يتجوز من عيلة تانية، ولو كنت قلت كلام وحش وقتها مكانش هيعرف يتجوز، وأنا نفسى يتجوز ويبعد عنى وأخلص منه".

وتابعت شيرين: "أنا ست قاعدة فى أمان الله مع بناتى، بقالنا 4 سنوات شايفين الويل، سافرنا الساحل وقلنا نقعد أربعة أو خمسة أيام ونرجع مبسوطين وتتحسن نفسية البنات ونفسيتى، ومكناش بنخرج ومكناش عايشين تقريبًا والبنات ماكانوش بيعرفوا يقعدوا معايا، لأنى كنت عايشة مع زوج مش بيشتغل تقريبًا، وكنت محبوسة 24 ساعة فى أوضة نومى مش بعمل حاجة، قاعدة بس، وأنا غلطت فى حق نفسى، وكنت فاكرة إنى بحافظ على بيتى لكنى اكتشفت إنه ماكنش بيت، كانت عيشة فئران أو مصيدة أنا كنت زى الفار اللى بيدخل المصيدة ياكل حتة جبنة".

وتابعت شيرين: "كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك، ومع ذلك فضلت جنبه، وهو لا يعرف إلا فكرة حب الامتلاك، وصبرت لأنى كنت بحاول أنجح الحب ده ومكنتش بحب اتهزم وأنا بطبعى أكون خدامة الرجل اللى أعيش معاه".

وكشفت شيرين عبدالوهاب عن كواليس خلافها مع طليقها الفنان حسام حبيب فى مداخلة هاتفية مع الإعلامية "لميس الحديدى" فى برنامج "كلمة أخيرة"، وقالت: "حسام سرق العربية من قدام البيت.. سرق العربية مستغلا تواجدى فى الساحل.. أنا خرجت من الجوازة دى بالوكسة والحسرة.. ده إنسان خطر، لازم أروح اتعالج من آثاره عليا".

وأضافت شيرين عبدالوهاب: "كنت متكفلة بمصاريف بيته التانى (بيت والدى حسام حبيب).. طول عمره مابيشتغلش، وأهله باصين لى فى كل حاجة.. لو عملت أغنية ناجحة أمه هتقول اشمعنى ابنى.. حسام حبيب عاطل بالوراثة".

وكشفت شيرين عبدالوهاب كواليس خلافها مع طليقها الفنان حسام حبيب فى مداخلة هاتفية مع الإعلامية "لميس الحديدى" فى برنامج "كلمة أخيرة، وقالت: "حسام حبيب طلب 10% من أرباح شغلى.. أنا اتجوز قرد وما أرجعش ليه تانى.. ومش عايز أعرف حد اسمه حسام تانى".

وأضافت: "أنا أستاهل الضرب عشان طلعت قولت مابيخدش منى فلوس.. أنا آسفة للناس عشان كدبت عليكوا، وهتعب عشان أرجع تانى شيرين اللى ضيعتها.. وعلاقتى بحسام عمرها ما كانت حب".

وقالت شيرين إن حسام حبيب حمل السلاح فى وجهها وفى وجه بنتيها، قائلة: "عيالى كانوا هيضربوا بالرصاص، قبلها بيومين قاعدين فى الأوضة، طلع من الدرج علبة فيها رصاص.. راح مدينى رصاصة وقال لى خد دى منى هدية".

وأضافت: "الحمد لله إنى لسه عايشة، وحسبى الله ونعم الوكيل.. إحنا اطلقنا لما قصيت شعرى (بائن)، واللى حصل بعد ما هديت من الكارثة حسيت إن أنا مش قادرة أستغنى عنه وأديله فرصة تانية.. خناقات فيها ضرب وسحل على الأرض وشتيمة عمر ما إنسانة تقبلها على نفسها.. واتنيلت على عينى ورجعت فقولنا ندى فرصة تانى وشروط.. وبناتى فى بيت تانى ونشتغل.. لحد ما ابتدت الوعود تتلاشى والمشاكل ترجع تانى وقلة الأدب ترجع تانى".

وتابعت: "كل خناقة تحصل ما بينا يحرق دمى لحد ما أمسك المكنة وأحلق شعرى.. وطلعت غنيت عشان بناتى مايتعقدوش وحسستهم إنه (نيو لوك).. تخيلى قد إيه أنا تعبت، ومش بستعر من شكلى.. ولما رجعنا لبعض تانى رجعوا تانى البنات يشوفوا إنه بيتدخل فى كل شيء وإنسان معندهوش شغل".

وكانت شيرين قد نفت كل تلك الاتهامات خلال الفترة الماضية، حيث أشارت شيرين إلى أن حسام حبيب لم يستولَ على أموالها فى أى وقت من الأوقات، قائلة: "بصراحة حق الله أن حسام عمره ما أخد منى فلوس ولا استفاد منى ماديا بل بالعكس تماما أنا ما عرفش أحوش فلوس ليا غير لما اتجوزت حسام عشان كان بعكس اللى بيتقال تماما وهو كان بيحافظ على مالى ودى صراحة عشان دى حاجة هسأل عليها قدام ربنا"، لتعود اليوم وتؤكد كل تلك الاتهامات.

أسعار العملات

متوسط أسعار السوق بالجنيه المصرى04 مايو 2025

العملة شراء بيع
دولار أمريكى 50.6677 50.7677
يورو 57.2292 57.3523
جنيه إسترلينى 67.2411 67.3891
فرنك سويسرى 61.2669 61.4249
100 ين يابانى 34.9481 35.0291
ريال سعودى 13.5103 13.5381
دينار كويتى 165.1221 165.5289
درهم اماراتى 13.7943 13.8222
اليوان الصينى 6.9674 6.9826

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار سعر البيع سعر الشراء بالدولار الأمريكي
سعر ذهب 24 5389 جنيه 5360 جنيه $106.59
سعر ذهب 22 4940 جنيه 4913 جنيه $97.71
سعر ذهب 21 4715 جنيه 4690 جنيه $93.27
سعر ذهب 18 4041 جنيه 4020 جنيه $79.95
سعر ذهب 14 3143 جنيه 3127 جنيه $62.18
سعر ذهب 12 2694 جنيه 2680 جنيه $53.30
سعر الأونصة 167603 جنيه 166715 جنيه $3315.43
الجنيه الذهب 37720 جنيه 37520 جنيه $746.15
الأونصة بالدولار 3315.43 دولار
سعر الذهب بمحلات الصاغة تختلف بين منطقة وأخرى