هالة صدقى: هفطر النهاردة ”فتة”.. ومبهورة باللى بيحصل فى مصر
قالت الفنانة هالة صدقي، إنه تعودت منذ 20 عاما أن تقضي الكريسماس أو رأس السنة في مدينة شرم الشيخ، مشيرة إلى أنها بسبب ظروف الطقس، اضطرت إلى العودة مرة أخرى، وستذهب إلى الكنيسة بشكل مباشر لحضور القداس.
وأضاف خلال مداخلة مع الإعلامي محمد مصطفى شردي ببرنامج "الحياة اليوم" الذي يذاع على قناة الحياة: "الطقوس هي الطقوس المصرية مش هنقول الطقوس الدينية، إحنا بنفطر على الفتة، نفس طقوس العيد بالظبط، وللأسف احنا في العيد بنبقى لابسين ورايحين شيك وحلوين، بتبقى ليلة العيد، لكن المشوار أخذ مننا وقت طويل فهروح على الكنيسة على طول".
وقال: "بكرة صحابي كلهم هيجولي، بيبقوا طمعانين في الفتة والأكل، وأنا والعيلة دلوقتي في طريقنا للقاهرة وأصحابي كلهم هيجوا معايا وكنا بنطلع شرم الشيخ معاهم وأنا من عشاق شرم الشيخ لأن أنا كنت بحب أشجعها في وقت كورونا"، ووجهت حديثها لـ"شردي" قائلة: "أنت من أصحابي ومعزوم، واحنا بنتعلم منك الطبخ".
وأضاف: "مبهورة باللي بيحصل في مصر، ووأنا راجعة دلوقتي لاقيت طرق جديدة رجعتني، واللي بيحصل حاجة مشرفة وشيك وتفتخر إنك مصري، وأنا أخويا عايش في أمريكا وفي كوبري عندهم صغير بيتعمل بقالوا 4 سنين، واحنا كل يوم والتاني في حاجات بتظهر وبنكتشفها".
.jpeg)
