بوابة الدولة
السبت 21 نوفمبر 2026 06:24 مـ 10 جمادى آخر 1448 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية
5 أندية تتأهل لربع نهائي كأس مصر.. 3 مباريات مؤجلة تحسم باقي المقاعد وكيل وزارة التعليم بأسيوط يعلن تنظيم رحلات طلابية لزيارة المناطق الأثرية بالمحافظة عمر مرموش على مقاعد بدلاء توتنهام أمام إبسويتش تاون ادعى امتلاك جهاز للتنقيب عن الآثار.. تفاصيل سقوط نصاب الغربية رئيس هيئة الاستثمار يؤكد ضرورة ربط مخرجات التعليم التنفيذي باحتياجات سوق العمل 2000 تذكرة لجماهير أول أغسطس الأنجولي أمام الأهلي فى الكونفدرالية جوائز مصر لرواد الأعمال(EEA) تعلن عن تكريم ويل أحمد مؤسس WHOOP بجائزة خاصة احتفاءً بالتميز المصري في ريادة الأعمال عالميًا فيزا توقع بروتوكول تعاون مع المختبر التنظيمي ومركز الابتكار لتكنولوجيا التجارة لتعزيز حلول الدفع الرقمي وتسهيل التجارة عبر الحدود سعادة هالة بدري تفتتح معرض «فنون العالم دبي 2026» احتفاءً بالإبداع العالمي والتراث الإماراتي كجوك: مشروع الربط الكهربائي«جريجي» «GREGY» يعكس آفاق الشراكة الاستراتيجية بين مصر واليونان من المحلية إلى العالمية… «كرايتيريا ديزاين جروب» تستعرض خبراتها في العمارة المستدامة خلال مؤتمر COP31 في تركيا وزراء خارجية مصر والسودان وإريتريا يعقدون اجتماعا ثلاثيا في أسوان

عمرو زكى: هو لازم أموت عشان تسألوا عليا؟.. والصقر والحضرى دايما على تواصل معى

عمرو ذكي نجم منتخب مصر السابق
عمرو ذكي نجم منتخب مصر السابق

أكد عمرو زكي نجم الكرة المصرية السابق، أنه كان أعلى فنيا من أحمد حسام ميدو في بطولة أمم أفريقيا 2006 والتي أقيمت في مصر وحقق لقبها الفراعنة.

وقال زكي، في تصريحات مع سهام صالح لبرنامج الكلاسيكو على قناة أون: أعذر ميدو في لقطته الشهيرة في مواجهة منتخب مصر والسنغال، بسبب تواجده في توتنهام.. ولكن أنا كنت الأعلى فنياً.

وأضاف زكي: كنت فنيا أعلى وأفضل من ميدو في ذلك التوقيت، ولكن بسبب تواجد ميدو مع توتنهام لم يكن يصدق ذلك، لذلك دخل في مشادة مع حسن شحاتة، والمعلم وقت الجيل الذهبي كان بيتحارب ولكن وقت البطولة كنا بنلاقي الدعم، وحسام حسن يعاني من الظلم مع اتحاد الكرة بسبب تسريبات رحيله المتكررة.

وتابع: أحمد حسن يتواصل معي باستمرار للاطمئنان عليّ، وفيه ناس بتتواصل معايا ومش بحمل حد حاجة، دايما وأنا في الزمالك اللي هو أكبر نادي في أفريقيا والشرق الأوسط إني لازم أكسب وآخد بطولات زي منتخب مصر".

فيه ناس كانت عايزة تستفيد مني مادياً

وقال عمرو زكي: فيه ناس كانت عاوزة تستفاد مني ماديا، ومش بحب أتعامل مع الناس دي، وعصام الحضري وأحمد حسن علطول بيسألوا عني دي بالدنيا كلها، وإبراهيم سعيد وميدو من الناس اللي حاولت تكلمني.

وأضاف: هو أنا لازم أموت عشان تسألوا فيا، هو ليه عمرو زكي محطوط في الحتة دي؟.. وأنا مش قليل الأدب، وربنا إداني وحطني في حتة عالية، فمش هرد ع الأقل مني".

وتابع: أنت محاولتش توصلي هو أنا تاعبك أوي للدرجة دي !!، والدتي حاجة كبيرة جدا.. وليها فضل كبير عليا جدا.

واستطرد: أمي مبسوطة دلوقتي بسبب ظهوري.. أنا دلوقتي بفرّح أمي، ولولا دعوتها دلوقتي مكنتش طلعت تليفزيونيا، حاسة بيا وحاسة إني مظلوم، وصعبان عليها قعدتي وإني مش شغال.

ورد عمرو زكي على الشائعات التي انتشرت عنه في الفترة الأخيرة، وحقيقة مرضه، قائلا: أما تيجي تتكلم إيه الهدف من إنك تتكلم على لاعيب كورة، أنا مش هذكر أسماء.. أنا مش هزعل لما أقول لواحد.

وأضاف: زعلان من حاجات كتير، ومش هرد على حد معين، وأنا بقول للحد ده أنت ليه مجتش كلمتني، ولازم أراعي نفسية الشخص، لأن المعلومة دي ممكن تؤذيني وتؤذي أهلي وبنتي وبيتي، وبنتي بتصرخ بتقولي يا بابا هو مفيش غيرك كل شوية يقولوا كلام غلط، لو أنا ماشي غلط مفيش مشكلة تقولي غلط عشان أتعلم".

وتابع: المصداقية هي اللي بتقولي اشتغل واطلع هنا ولا اطلع هنا، محدش أصلا كان بيتصل عليا، أنا بوصل للناس بسرعة.. لو عاوزني أرجع للساحة يكلمني بيني وبينه مش ع الشاشة وقدام الناس، أنت بتغفل الدنيا عشان أنت بتتكلم عليا بشكل غير لائق.

واختتم عمرو زكي تصريحاته قائلا: هو إيه الخبر أصلا عشان أطلع أقول.. لا ما أنت بتقول كده عشان أطلع أشتمك وأظهر من تاني، لو كنت طلعت مكنش هيفرق معايا إنك كابتني أو أي حد وكنت هقولك وأكلمك، وللدرجة دي فريق الإعداد بعيد عني عشان تطلع تتكلم.