حسام حسن يهاجم منتقديه: البهوات اللي في الاستديوهات اهدوا شوية
وجّه حسام حسن، المدير الفني لمنتخب مصر، ردودًا قوية على موجة الانتقادات التي تعرض لها الجهاز الفني خلال الأيام الماضية، خاصة بعد الخسارة أمام أوزبكستان في نصف نهائي دورة العين الودية بالإمارات، مؤكدًا أن التجربة هدفها الأساس هو الإعداد وليس النتائج.
حسام حسن: المشاركة تدريبية.. ونبني فريقًا جديدًا
وقال حسام حسن في تصريحات لقناة أون سبورت: مشاركتنا في دورة العين تدريبية في المقام الأول، سواء كسبنا أو خسرنا. أعتمد على كل اللاعبين المتاحين، ومعظم الفريق يعاني من إصابات. مبروك للمصريين الطيبين الفوز على كاب فيردي."
وأوضح المدير الفني أن المنتخب يخوض مرحلة بناء فريق جديد، مشيرًا إلى أن التجارب خلال البطولة هدفها اختبار طرق اللعب وتقييم العناصر المختلفة.
وقال:إحنا بنجرب وهنشوف أفضل طريقة نمشي بيها. حتى المنتخبات الكبيرة بتتأثر.. المغرب مثلًا لما حكيمي يغيب بيقولوا الفريق ناقص رغم النجوم اللي عندهم."
رسائل حادة للمنتقدين
وفي رد قوي على الانتقادات الموجهة له، قال حسام حسن: "البهوات اللي في الاستديوهات لازم يهدوا. فيه ناس نفسيتها وحشة وبتتكلم لمجرد الهجوم. لو كنت مدرب أجنبي كانوا عملوا لي تمثال."
وأضاف: "ليه بنصبر على الأجنبي وما نصبرش على المصري؟ أنا باجتهد وبحب بلدي وبشتغل بكل طاقة الجهاز. اللعيبة لعبت 4 ماتشات في 10 أيام، وده حمل كبير جدًا."
وتابع موجهًا حديثه للجماهير: "أنا مش باخد رزق حد، وهاشتغل زي الأجانب بالظبط.. ده شغلي وده اللي شايفه صح. السوشيال ميديا خربت بيوت وبلاد، وإن شاء الله نفرّح مصر بمنتخبها."
يهاجم الانتقادات الساخرة
وتحدث حسام حسن عن الانتقاد الذي تعرض له اللاعبون عقب هدف أوزبكستان الأول، قائلاً: "غلطنا في الهدف الأول، لكن يطلع فنان يتريق! ليه؟ كلنا بنغلط.. والأهم إننا نتعلم."
واختتم المدير الفني تصريحاته بابتراز ما يحققه جهازه الفني قائلًا: "كنا بنفرح بمدرب أجنبي أظهر لاعب أو اتنين.. النهارده إحنا طلعنا قد إيه؟ اهدوا على بلدكم.. والجهاز ده وصل كأس العالم وأمم إفريقيا من غير هزيمة."
.jpeg)
