”صحح مفاهيمك”.. شجّع وافرح بس بأدب وبحب من غير ما تظلم أو تجرح

قبيل انطلاق مباراة السوبر بين فريقى الأهلى والزمالك ، مساء اليوم الأحد، نشرت مبادرة صحح مفاهيمك رسالة توعوية لنبذ التعصب، جاء فيها: بتخاصم أصحابك.. وتتعصب علشان فريق كورة؟.. الكورة لعبة.. معمولة علشان المتعة والتشجيع والتنافس الشريف.

وتابعت: لكن لما تتحول لتعصب وخصام وشتايم… ساعتها بتضيع معناها الجميل..سيدنا النبي ﷺ قال: «سباب المسلم فسوق، وقتاله كفر» – متفق عليه..وقال ﷺ عن العصبية: «دعوها فإنها منتنة».

اللي يخسر النهارده ممكن يكسب بكرة

يعني ولا في كورة، ولا في تشجيع، ينفع نخسر أخلاقنا أو نجرح غيرنا..الفريق اللي يخسر النهاردة ممكن يكسب بكرة، لكن اللي يخسر احترامه وأصحابه… بيخسر كل حاجة.

شجّع، وافرح، بس بأدب..شجع فريقك بحب، من غير ما تظلم أو تجرح..ساعتها هتكون بتعمل دعاية حقيقية لبلدنا وأخلاقنا..اللهم ألف بين قلوبنا، واهدنا لأحسن الأخلاق، لا يهدي لأحسنها إلا أنت، واصرف عنا سيئها لا يصرف عنا سيئها إلا أنت.