الأوقاف تحذر من العنف ضد المرأة: القوة مش إنك ترفع إيدك عليها بل إنك ترفع مقامها
أكدت وزارة الأوقاف أهمية الرحمة والمودة والرفق في التعامل مع الزوجة، محذرة من بعض الممارسات السلبية قائلة "القوة مش إنك ترفع إيدك عليها القوة إنك ترفع مقامها، وتحسن إليها".
وأضافت وزارة الأوقاف، في بيان لها اليوم الأربعاء، "فيه ناس فاكرة إن القسوة رجولة، وإن الصوت العالي هيبة، وإن السيطرة قوة.. لكن الحقيقة إن اللي يمد إيده على امرأة، بيكسر فيها روح، وبيكسر في نفسه إنسانيته".
وحذرت الأوقاف من استخدام العنف ضد المرأة، مؤكدة "مش غلطة بسيطة ولا خلاف عادي، ده وجع نفسي ممكن يعيش جواها سنين، وضياع بيت كان ممكن يعيش في سكينة ورحمة".
واستشهدت وزارة الأوقاف بقول الله سبحانه وتعالى: {وَعَاشِرُوهُنَّ بِٱلۡمَعۡرُوفِۚ} [سُورَةُ النِّسَاءِ: ١٩]، وما أوصى به سيدنا النبي ﷺ قال: «خَيْرُكُمْ خَيْرُكُمْ لِأَهْلِهِ، وَأَنَا خَيْرُكُمْ لِأَهْلِي» [سنن الترمذي].
وتابعت الأوقاف "الرجولة مش في الغِلظة.. الرجولة في حسن العشرة، وفي حفظ الكرامة، وفي صون الأمانة، والقوة الحقيقية هي اللي تحمي، مش اللي تؤذي".
وناشدت "خلينا نربّي ولادنا على الاحترام، ونعلم بناتنا إن ليهم كرامة ما تتكسرش، ونفهم كل بيت إن المودة والرحمة مش رفاهية... دي أمر ربنا".
واختتمت الأوقاف بيانها بالدعاء "اللهم أصلح بيوتنا، واهدِنا لأحسن الأخلاق لا يهدي لأحسنها إلا أنت، واصرف عنا سيئها لا يصرف عنا سيئها إلا أنت".
