باسم يوسف: ”البقرات الحمر” طلعت حقيقة.. وفي اجتماعات أمريكية رسمية ناقشت تفاصيلها

علق الإعلامي باسم يوسف، على الزيارة الأخيرة لوزير الخارجية الأمريكي مارك روبيو لإسرائيل، والتي ظهر فيها بجانب رئيس الوزراء الإسرائيلي بنيامين نتنياهو.

وقال خلال لقائه مع الإعلامي أحمد سالم ببرنامج كلمة أخيرة الذي يذاع على قناة on: "ما بين كل الصور والـ pr الي كان معمول، كان في صورة واحدة لما نزلوا تحت، وعملوا صورة رمزية بالشواكيش أسفل المسجد الأقصى، ودي رسالة خطيرة جدا، إسرائيل بتقول فيها إن النفق اللي تحت الأقصى تمهيد لهدمه".

وأضاف: "إسرائيل كانت بتنفي الموضوع ده في الأول، لكن هما دلوقتي بيتكلموا في الموضوع ده عادي".

وتابع: "في حاجة إسرائيل اسمها مؤسسة المعبد، والموضوع مش مجرد معبد ديني، ده ممول من الحكومة، وده أحد مهماته أنه يعمل كل التحضيرات لإقامة المعبد، واحنا كل حاجة اتريقنا عليها طلعت حقيقية، حتى إسرائيل الكبرى، وضرب إسرائيل لدول عربية".

وقال: "من شروط المعبد ده وإقامته، إنه لازم يكون في بقرة حمرا مثالية، وفي اجتماعات رسمية مفتوحة بيشارك فيها مسؤولين في حكومة ترامب، وبيتكلموا عن تفاصيل كيفية إيجاد البقرة المثالية عشان إقامة المعبد".

وأضاف: "في اجتماع في واشنطن افتتحوا مايك جونسون الي هو ممثل الأغلبية في الكونجرس، وده اجتماع رسمي والمفروض وفقا لمعتقدهم، إن البقرة المثالية هيقوموا بحرقها، والرماد الناتج عنها يتبارك به اليهود ويتخلصوا من خطاياها لدخول المعبد".

وتابع: "إسرائيل من سنتين، دفعت نص مليون دولار، علشان تسفر السبع بقرات حمر دول من تكساس".