نهال عيسى لبرنامج ست ستات: الست بتتجوز عشان حد يكمل حتة ناقصة جواها
أكدت سيدة الأعمال نهال عيسى، أن الزواج بالنسبة للمرأة ليس مجرد ارتباط، بل هو لقاء بين شخصين يكمل كل منهما الآخر من الداخل، موضحة أن أجمل ما في العلاقة الزوجية هو التقبل التام بين الطرفين بكل ما في كلٍ منهما من صفات وعيوب.
وقالت نهال عيسى خلال لقائها ببرنامج ست ستات، عبر قناة DMC، مع الإعلامية سالى شاهين: الست بتتجوز لما تقابل حد يكمل حتة ناقصة فيها من جواها، وكل واحدة بتختلف في الحتة دي، لكن أنا بالنسبالي كان الناقص هو التقبل التام.. إني أكون مع حد متقبلني 100% بعيوبي وبمزاجي في كل حالاتي.
وعن زوجها الذي يعيش أغلب الوقت خارج البلاد، أضافت: "احنا مختارين بعض عن قناعة نفسية وشعورية، مش بس مشاعر وحب، لكن كمان إحساس إننا على نفس الموجة وعايزين نفس الحاجة من الحياة."
وفيما يتعلق بالغيرة، قالت عيسى بصراحة: أنا غيورة، بس مش بغير من حد، أنا بغير عليه. طبيعي أضايق لما بلاقي معجبات حواليه، بس هو دايمًا بيديني مقامي وبيحرص يعرّف الناس إن دي مراته.
وأشارت إلى أن الغيرة جزء طبيعي من الحب قائلة: الست لما بتحب لازم تغير، بس في فرق بين الغيرة والشك.. الغيرة الصحية حلوة، أما الشك بيهدم العلاقة.
وختمت نهال عيسى حديثها مؤكدة أن البعد الجغرافي لا يُضعف العلاقة بل يقويها: البُعد بيخليكي تحسي بقيمة الشخص أكتر، وبتشتاقي له، وده بيخلي العلاقة أقوى وأعمق.
.jpeg)
