بوابة الدولة
الخميس 19 نوفمبر 2026 11:02 مـ 8 جمادى آخر 1448 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية
ماكرون يدعو لإعادة انضمام أوكرانيا إلى الناتو ضبط 715 كيلو دواجن نافقة و300 كيلو لحوم مريضة بأختام مزورة في متجر كبير بسوهاج محافظ القاهرة يفتتح مهرجان العسل المصري في نسخته التاسعة بمشاركة 100 عارض جامعة الأقصر تنظم محاضرة حول مخاطر الابتزاز الإلكتروني والدارك ويب وطرق حماية البيانات حسين عبد اللطيف يكشف سبب خسارة منتخب مصر أمام اليونان: الطرد المبكر أربك حساباتنا مصر و13 دولة ترحب بقراري حكومتي المملكة المتحدة وأستراليا فرض عقوبات ردا على الأنشطة الاستيطانية الإسرائيلية غير القانونية الزمالك يواصل تجهيز المصابين قبل مواجهة الجونة في الدوري الممتاز | تفاصيل ساندي تشوق جمهورها لأغنيتها الجديدة سرحانة.. تفاصيل البوستر الدعائي المقاولون العرب يتأهل إلى ربع نهائي كأس مصر بعد الفوز على القناة بالقاضية.. الأهلي يتوج ببطولة السوبر المصري لكرة اليد على حساب الزمالك الهلال الأحمر المصري يواصل مساندة الدفعة 103 من الأشقاء الفلسطينيين عبر معبر رفح السيدة انتصار السيسى تستقبل صاحبة المركز الأول بجائزة دبى للقرآن الكريم

عمر العشرى: مصر هى ”أصل الحكاية” للسينما فى الشرق الأوسط

عمر العشرى
عمر العشرى

كشف المؤلف الشاب عمر العشرى فى تصريحات خاصة لـ اليوم السابع عن تفاصيل جديدة حول فيلم افتتاح مهرجان الجونة فى دورته السابعة، وعن سبب تسمية العمل بهذا الاسم، وشعوره بعرضه.

وصرح العشرى قائلا: "فيلم أصل الحكاية اتعرض فى افتتاح الجونة فى الدورة السابعة 2024، اتسمى الفيلم أصل الحكاية لسببين، وهما الأول السبب الشخصى لأنه اسم أنا مرتبط بيه من زمان، لأنه كان اسم المقال اللى بيكتبه والدى الناقد الرياضى الراحل خالد العشرى فى الجورنال، السبب التانى لأن الفيلم بيتكلم عن نشأة السينما فى مصر وبدايتها وده كان سنة 1927، كان إنتاج أول فيلم مصرى صامت، فـ كان الهدف إننا نقول إن مصر أصل الحكاية من زمان، والمعلومة ممكن يبقى ناس كتير مش عارفاها بس مصر كان أول بلد عربى فى الشرق الأوسط يتقدم فيها عرض بالكاميرا لما الأخوين لوميير حركوا الصورة، ومن وقتها لحد النهاردة احنا رقم واحد فى السينما فـ كان لازم نأكد على المعلومة

وتابع العشرى قائلا: "اشتغلنا كتير أوى على فيلم أصل الحكاية، تقريبا حوالى 4 أو 5 شهور وإحنا شغالين يوم بيوم على الفيلم، ومسودات كتيرة وقلق وتوتر، لحد ما بنوصل لمنتج نرضى عنه زى ما طلع، كمان كان معايا فريق عمل شاطر جدا، خاصة أن لو الفيلم معتمد على القصة فـ كمان معتمد على كل العاملين عليه، خاصة بوجود مخرج العمل أحمد الجارحى اللى أكيد شهادت فيه هتبقى مجروحة لنه قبل ما يكون مخرج شاطر فهو صديق وأخ".

وعن شعوره بعد عرض فيلم أصل الحكاية، أشار العشرى قائلا: "كنت فى منتهى السعادة وأنا شايف المشاهدين وهما مبسوطين ومبهورين بفيلم أصل الحكاية، وكمان بالعرض اللى اتعمل بعد انتهاء عرض الفيلم على المسرح، لأن العمل بيكمل بعرض حى على المسرح، برحلة بطل الفيلم الصغير آدم النحاس، وفى الحقيقة هو ممثل شاطر وأظن إن كتير مننا اتعلم منه وإحنا بنشتغل على الفيلم، فبنشوف رحلته من أول يوسف وهبى ونجيب الريحانى إلى يومنا هذا، فـ كانت فرحة كل الموجودين طمنتنى أنهم فهموا الرسالة واضحة زى ما كنت عايز".

وأكمل العشرى تصريحاته لـ اليوم السابع قائلا: "أحب أهدى فيلم أصل الحكاية لـ روح والد الناقد الرياضى الراحل خالد العشري، وطبعا لـ والدتى اللى شافت كتير أوى معايا، وكمان آلاء عمر صديقة الكفاح، وأتمنى أن مش بس حضور مهرجان الجونة السينمائى هما بس اللى يشوفوا فيلم أصل الحكاية، أتمنى أن كل المصريين المهتمين بالسينما يشوفوا العمل".

وأنهى العشرى حديثه قائلا: "عرض فيلم أصل الحكاية فى ظل الظروف الصعبة اللى بنمر بيها هو رسالة مننا إننا مش ناسيين، وركزنا على القضية فى العرض لأنها موجودة من سنين، وأن القضية الفلسطينية عمرها ما هتروح من عقولنا وقلوبنا

موضوعات متعلقة