مها الصغير ترد على شائعات انفصالها عن أحمد السقا
ردت الاعلاميه مها الصغير على شائعات انتشرت حول طلاقها من الفنان أحمد السقا، وذلك خلال استضافتها في برنامج "الستات ما يعرفوش يكدبوا"
وقالت مها الصغير: "يوم الأربعاء ناقشت موضوع زي أي موضوع أو مشكلة بناقشها بشكل يومي في البرنامج بالاتفاق مع الإعداد واتكلمت عن العلاقة الصحية بين الأزواج، وإن فيه سيدات بتكون عايشة وخلاص وأكيد فيه كتير مش كده، وكذلك فيه رجالة عايشة والسلام، وقلت إن ده موضوع بنسلط عليه الضوء ولازم نشوف له حل".
وأوضحت مها الصغير أن حديثها حول العلاقات بين الأزواج تم فهمه بشكل خاطئ من قبل البعض، مؤكدة أنها لم تتحدث عن مشاكل شخصية أو انفصال عن الفنان أحمد السقا. وأشارت إلى أن بعض الأشخاص يستنتجون أمورًا خاطئة من مواضيع تطرحها على وسائل التواصل الاجتماعي، موضحة أن برنامجها يناقش مواضيع اجتماعية مهمة كأزمة منتصف العمر ومشاكل المخلوعين والمخلوعات، دون أن يكون ذلك بالضرورة عن تجاربها الشخصية.
وأستكملت حديثها قائلة: "بلاش تاخدوا حاجات عن لساني ما قولتهاش، لأن حياتي الخاصة لا أحب أن تكون للمشاع لأن في أولاد ممكن يتأذوا، ومش بس في موضوع الجواز والطلاق لأن فيه حاجات قبل كده حصلت زي مرض أحمد السقا واتقال كلام غلط وده بيأذي الأولاد".
وأضافت مها الصغير: "بلاش تتوقعوا أو تستنتجوا، وأنا لو عندي حاجة عايزة أقولها هقولها عادي، وده برنامج وبطلوا تريندات وهمية على حساب ناس، ومش أنا فقط، وأي حد بيتكلم على التلفزيون بيناقش قضية وبيتكلم في حاجة معينة
