النائب محمد الضبعاوى: لانريد خطب وإستراتجيات نريد القضاء على تعدد الاختصاصات (فيديو)

دعا النائب محمد عبدالعليم الشيخ الضبعاوى، عضو مجلس الشيوخ، عن محافظة الاقصر، خلال مناقشة مجلس الشيوخ لملف تحديات ومشاكل الصناعة إلى اننا لانريد خطب وندوات وإستراتجيات ولكن نريد القضاء على تعدد الاختصاصات.
وقال الضبعاوى، حينما نتحدث عن الصناعه فان الصناعه هي المستقبل الحقيقي لنهضه هذا الوطن ولكنني يا سياده الرئيس لا اريد خطب ولا اريد استراتيجيات ولا اريد ندوات وانما اريد شيئا واحدا الا وهو اننا نقضي تماما على تعدد الولايات على تعدد جهات الاختصاص.

وذكر الضبعاوى،عندنا صناعه قديمه من سنه 1869 كمصانع ومن سنه 1818 وهي صناعه السكر وعندنا من 150 سنه مصنع ابوقرقاص في المنيا لا يصنع قصب السكر تيجي تكلم وزير الصناعه ما ينفعش اكلمه لان ليست جهه الولايه وزاره الصناعه وانما جهه الولايه وزاره التموين مين يقول كده الحاجه الثانيه دوله الرئيس اي حد في مصر يقول ان صناعه ثقيله موجوده في صعيد مصر زي صناعه السكر لا تلقى تماما من الحكومه الاهتمام الذي نرجوه الحكومه مشكوره رفعت الماده الخام اللي هي القصب وخلت الطن ب 2000 جنيه شكرا يا حكومه لكن انت رابطني من 2000 جنيه و 500 جنيه ما ياخدهاش الفلاح الا لو جاب الفدان بتاعه 40 طن هو مين مش منتج ومين مش عاوز يجيب كل واحد ليه ظروف في حشره في الاسمده في ظروف طقس ومناخ عامله.
وأضاف الضبعاوى، انا عندي مدينه صناعيه في الاقصر الكهرباء مشكله والغاز ست اشهر مشكله مع بتوع الميه تاخذ سنه انا اللي عاوزه حاجه واحده هعمل زي سلامه في فيلم واسلاماه انت فين يا جهاد فين التنسيق يا حكومه اين التنسيق يا حكومه انا عايز وزاره متفرغه للتنسيق ما بين الوزارات وزاره منسقه في مصر واحنا عندنا والله يا ريس عندنا كل المقومات اللي احنا نفوق بسرعه ونطلع من المشاكل بسرعه عاوزين حاجه واحده بس التنسيق يا حكومه شكرا.